Ресейдің сенімді өкіліне Нота тапсырылды

4
1564

Қазақстан Республикасының Сыртқы істер министрлігіне Ресей Федерациясының Уақытша сенімді өкілі Александр Комаров шақырылды, деп хабарлайды «Қазақ үні».

Кездесу барысында Сыртқы істер министрінің орынбасары Марат Сыздықов Ресей Федерациясы Мемлекеттік Думасының Білім және ғылым жөніндегі комитетінің төрағасы Вячеслав Никоновтың Бірінші арнадағы «Қазақстанның территориясы – Ресей тарапынан үлкен сыйлық» деген сөзіне қатысты түсініспеушілік білдірді.

Кейбір ресейлік саясаткерлердің Қазақстанға қатысты арандатушылық әрекеттерінің жиілеп кетуі мемлекеттеріміз арасындағы одақтастық қатынастарға айтарлықтай нұқсан келтіретіні атап өтілді.

ҚР СІМ ресей тарапының мұндай мәлімдемелерге тиісті баға беруін күтуде және Ресей Федерациясының мемлекет қайраткерлерінен мұндай мәлімдемелерге жол бермеу үшін шаралар қабылдауға шақырады.

Ресейлік дипломатқа ҚР СІМ ұстанымы көрсетілген нота табысталды.

Еске сала кетейік, бүгін «Қазақ үні» ақпарат агенттігінің Бас редакторы, белгілі ақын Азамат Тасқараұлының «Тәуелсіздіктің құнын құл ғана білмейді» атты мақаласы жарияланған болатын.

4 ПІКІРЛЕР

  1. Дұрыс, нота жолданып, қатаң түрде ескерту айтылуы керек. Олардың арсыз саясаткерлеріне қарсы уәж айта алатын бiлiмдi азаматтар табылар. Әйтпесе, «балақтағы бит басқа шығады» демекші, әбден басынып болды. Тіпті, өз халқын әдейі үгіттеп отыруы да ғажап емес.

Пікір жазу

Пікіріңізді енгізіңіз!
мұнда сіздің атыңызды енгізіңіз