Әзімбай Ғали: Ресей – «изгой» мемлекет және еліміздегі орыстар қазақтармен бір ұлт болғысы келмейді

2
2938

Орыстар қазақпен интеграцияға бармайды, қазақпен бірігіп бір ұлт болғысы келмейді! Бұл туралы белгілі саясаттанушы Әзімбай Ғали «Қазақ Үні» ұлттық порталына айтып берді.

Картинки по запросу әзімбай ғали
Әзімбай Ғали

Шындап айтса, – дейді саясаттанушы, – бұл бізге жаман емес, 43 мың орыс тектес адам бір жылда біреулері о дүниге, басқасы негізінен Ресейге аттанады. Қазақтың өсімі екі санақ 1999-2009 жылдардағы аралықта 26% асты. Енді орыс пен қазақтың үлес және сан арақатынасы: 20% бен 68% жетті.

Орыстың жастары Ресейге көшіп, қартайғандары о дүниеге кетіп жатқанда, орыс мектептері тез қысқара берді. Қазақтың ірі қалаға келуі қаланы тез қазақтандыра бастаған. Бірақ бұл жағдай Ресейге қолайсыз еді.

Бұл трендті тоқтату және кері жүргізу мақсатымен: латиницаны еңгізу ұсынылды. Соның нәтижесінде латиница қазақ тілін ақсатып, мемлекеттік іске қазақ тілін жарамсыз қылу керек болған-тын.

Кейін «қазақстандық ұлт» деген дүбәрә ұлт жасамақшы болды. Бұның мақсатын қазақты ұлттық идентификациядан ажырату еді. «Қазақстандық ұлт» идеясы – ол маргиналдық ұлттық идентификациясымен қазақты адастыру мақсатында жасалғаны анықталды.

Ақыры, басы қатқан айлакер саясаткерлер «Үш тұғырлы тіл» дегенді ойлап тапты. Осылайша биліктегі Ресейдің ықпалды агенттері – министрлер, комитет және департамент басшылары өздеріне жүктелген тиісті функцияларын Ресей мүдделеріне сәйкес істеп келеді.

Сонымен қатар, Әзімбай Ғали қазіргі уақытта орыстандыру процесі қайтадан күш алғанын да атап өтті. Қазақ орыстың теледидары және өзіміздің орыс тілді теледидар арқылы зобми-халқына айналып барады. Бұл істі Қазақстанның биік лауазымды адамдары қолдауға көшті. Министрлікке үш тұғырлы бағдар міндеттелді. Біз үш тұғырлы тілдің орнына екі тұғырлыны ұсынамыз – қазақ және ағылшын тілдері. Басқасы керек емес!

Менің Ресейге қаным қас емес, өзім орыс мектебін бітігенмін. Бір кезде ағылшын бағытындағы мектепте оқып қазақшамнан айырылып қала жаздаған кезім де болған. Құдайға шүкір қазақшамды жөндедім.

Ресей – «изгой» мемлекет. Бүгінгі таңда Ресейге шет банктері не кредит бермейді, не жаңа технология бермейді. Ресей Украинамен соғыс жағдайында, Батыс қауымдастығы (АҚШ пен Европалық Одақ және олардың одақтастары, мәселен, Жапония т.с.с.) Ресеймен «Екінші қырғи қабақ соғыс» жағдайында. Естеріңізге салайын: Бірінші Қырғи қабақ соғысы 1946-1991 жылдары КСРО-ның күйреуімен аяқталған, – деп аяқтады сөзін Ә. Ғали.

Материалды көшіріп басу үшін міндетті түрде qazaquni.kz порталына гиперсілтеме жасауыңыз қажет. Барлық құқықтар қорғалған.

2 ПІКІРЛЕР

  1. Қосыламын… не амал ойлап табарын білмей жатыр, бир 10 жылда тағы қазақы ұрпақ қосылады, ал тапырақтай беріңдер МӘҢГУРТТЕР!!!

  2. Шапанымды шешіп алса да айтайын, түбі тек қазақша сөйлейтін, тек қазақша ойлайтын ұрпақ өсіп келеді! Арам ойларың іске аспайды! Мұқағали айтпақшы «Туады, туады әлі нағыз ақын, жендеттің көзінен жас ағызатын…» демекші, күндерің санаулы! Сондықтан тыпырлап қалыңдар, тұяқ сермеп қалыңдар, құрметті МӘҢГҮРТТЕР! :kulki1:

Пікір жазу

Пікіріңізді енгізіңіз!
мұнда сіздің атыңызды енгізіңіз