Үкімет су тасқынынан зардап шеккендерге өтемақы төлеуге дайын емес

Шенеуніктер апаттан келген шығынның нақты көлемін әлі білмейміз деп отыр. Сондықтан судың деңгейі басылған соң ғана шығынды есептеуге кіріспек деп хабарлайды КТК арнасы.

Жалпы, биыл тасқынның алдын алуға және оның салдарын жою үшін жергілікті бюджеттен 10 миллиард теңге қарастырылған. Бұл қаржы қираған үйлер мен жолдарды қалпына келтіріп, мал-мүліктің орнын толтыруға жұмсалады.

Бүгінде Ақмола, Ақтөбе, Қарағанды, Солтүстік Қазақстан  облыстарында мыңнан астам баспана судың астында қалды. Қауіпті аймақ қатарына Шығыс Қазақстан облысы да қосылуы мүмкін. Ал тасқын салдарынан қазір үш өңірде: Қарағанды, Жезқазған, Қостанайда жол жабық.

"Су тасқыны салдарынан облыстық жолдарға да зиян келді. Мәселен, Оңтүстік Қазақстан облысында республикалық жолды байланыстырып тұрған көпір құлады. Бірқатар республикалық трассаларда қозғалыс тоқтатылды", - дейді Ішкі істер вице-министрі Юрий Ильин.