ЖЫЛҚЫ ЖЫЛЫ ҚОЛ ҚОЙЫЛҒАН ОДАҚТА ЖЫЛҚЫ МІНЕЗДІ БОЛАЙЫҚ!

10
5490

ҚОЙ ЖЫЛЫ ОДАҚТЫҢ ҚОЙДАЙ ОТАРЫ БОЛЫП КЕТСЕК, АТА-БАБА ӘРУАҒЫ КЕШПЕЙДІ!!!

Еуразиялық Экономикалық Одаққа кірген ел болғанымызға 55 минут болды!
1991 жылы – Қой жылы Қазаққа ата-бабамыз мойынына бұршақ салып Алладан тілеген ТӘУЕЛСІЗДІКТІ СЫЙЛАДЫ. КЕҢЕС ОДАҒЫНАН ЕҢ СОҢҒЫ БОЛЫП ҚҰТЫЛЫП ШЫҚТЫҚ! ЕНДІ МІНЕ, 2015 ЖЫЛЫ ҚОЙ ЖЫЛЫ Еуразиялық Экономикалық ОДАҚҚА ЕЛДІҢ АЛДЫМЕН ШАУЫП КІРДІК! Тәуелсіздікті қой жылы алған соң ба, қойдай қоңыр мінезбен келеміз. Біздің басты СҮЙЕНІШІМІЗ болып отырған Ынтымақ, Бірлік нәтижесі – ТЫНЫШТЫҚ, яғни, бар мәселе қазақтың есебінен шешіліп келеді. Енді Бұл Одаққа кіруге қол қоюымыз – ЖЫЛҚЫ жылының 29 мамыры болғанын санада берік ұстап, ЭКОНОМИКАЛЫҚ-САЯСИ БӘСЕКЕДЕ, ҰЛТ МҮДДЕСІН САҚТАУДА асау арғымақ  үстінде өскен арда қазақ ЖЫЛҚЫ мінез көрсетпесек, тең дәрежелі ОДАҚТЫҢ мүшесі емес, ҚОЙ жылы ҚОЙДАЙ  ОТАРЫ болып кете береміз! ОНДА БІЗДІ АТА-БАБА ӘРУАҒЫ ЕШҚАШАН КЕШПЕЙДІ! АЛ, АЛЛА БЕРГЕН АЗАТТЫҚТЫ ЕНДІ УЫСТАН ШЫҒАРЫП АЛАР БОЛСАҚ…  БҰДАН КЕЙІН ТӘУЕЛСІЗДІККЕ ЕШҚАШАН ҚОЛ ЖЕТКІЗЕ АЛМАЙМЫЗ!..

ЕҢ БАСТЫСЫ – БАСТЫ БАЙЛЫҒЫМЫЗ – ТӘУ ЕТЕР ТӘУЕЛСІЗДІГІМІЗГЕ ТИТТЕЙ ДЕ НҰҚСАН КЕЛТІРМЕЙ, КӨЗІМІЗДІҢ ҚАРАШЫҒЫНДАЙ САҚТАП, АЗАТТЫҒЫМЫЗ ЖОЛЫНДА БӘРІНЕ ДАЙЫН БОЛУЫМЫЗ КЕРЕК!

Мен ЖЫЛҚЫ ЖЫЛЫ  жазылып, 29 мамырда фейсбукте жарияланған жырымды қайта бір оқығым келіп тұр…

 

АЗАТТЫҚ

АЗАТТЫҚТЫ Алла бізге бір берген,

Сақтап қалу-

Басты талап күнде ерден!..

ҰЛТЫН қорғар ҰЛ болады уызды ЕР,

Құлқынды ойлар ҚҰЛ болуды кім көрген!?.

 

Көзін сүзген ЖЕРІМІЗГЕ қаншама ел,-

Қайда ҚАЗАҚ ҚАЗЫНАСЫ бар сенер?

Қайран елім, қалай МӘҢГІ болады,

Қарын үшін,

Қамыт сатып алса егер…

 

Айттық талай АЛАШ жырын зар ғылып,

ЕЛ қорғайтын ЕР болуы – заңдылық!

Қорғай алмау – қорлық өлім емес пе,

АТА-БАБА  кеткен ЖЕРДІ қалдырып!?.

ҚАРЫНЫ ТОҚ БОЛМАСА ДА ЕЛ… ӨЛМЕЙДІ,-

ҚАМЫТЫ ЖОҚ БОЛУ КЕРЕК МӘҢГІЛІК!

 

Азат елде атай алмай атаңды,

Әлі шырқап келеміз біз жат әнді…

Бейшаралық – саясат боп сауатты,

Белдескендер  халық жауы атанды!

 

Ширек ғасыр не істеген ел кеше…

Биліктілер жеңіс бермес жем… десе,

Атын білмес атқа қалай қонады,

Неғып  отыр  ҰЛТТЫҢ ҚАУПІН  көрмесе?..

ЖОҒАРЫДА жоқ болса егер АР-НАМЫС,

ТӨМЕННЕН БІЗ қолға аламыз ендеше!!!

 

КӨК ТҮРІКТЕН қалған еді айбынды үн,

КӨКБӨРІДЕН көз жазып қап, айрылдым…

КӨК ТУ – Көп ту… болмаса деп, қайғырдым!

Күшігінен таланғанда қай бір мұң…

НАМЫС болса, БАРЫС  сонда боласың,

Әйтпесе, тек күні болар маймылдың…

 

ТІЛІҢ болса-

ТІРІСІҢ сен, естір мың,

Оян, қазақ!

Қалма астында көшкіннің!

Есінеумен есіл өткен уақыт,

Ежелгі жау ел болмасын кеш білдің!..

ТӘУЕЛСІЗДІК!-

АЛЛА СЫЙЫН ЕШҚАШАН,

САУДАЛАУҒА ХАҚЫСЫ ЖОҚ ЕШКІМНІҢ!

 

Шығармай қан шықсақтағы  белеске,

Қанды қасап, көрген зұлмат, көбі есте!

ҚАСІРЕТКЕ  айналмасын ҚАСИЕТ –

ЖЕРДІ ҚОРҒАУ – ЕЛДІ ҚОРҒАУ ЕМЕС ПЕ?!.

 

ОТАН болу –  айналсын ел әніне,

ОТАР болсаң, бұл өмірдің мәні не?!.

Қыл үстінде  тұрса АЗАТТЫҚ,  ендеше,

Ат  үстінде аттанамыз БӘРІНЕ!!!

 

Қазыбек ИСА,

qazaquni.kz

10 ПІКІРЛЕР

  1. Құрметті отандастар!
    Ең алдымен, әр тұрғынның өз-өзіне және еліне деген сенімге ие болуын қамтамасыз етуге уәде беремін. Өзімізді және ой-өрісімізді айналамыздағы жақсы нәрселерге қарай өзгертсек – жақсы өзгерістерге қол жеткіземіз.
    Бастауында еңбек пен білім жатқан кезде, жолда кездескен еш қиындыққа қарамастан Қазақстан болашағы жарқын болатынына сенемін. Қабылданатын экономикалық шешімдердің ел дамуына, ұлт жағдайының көтерілуіне, азаматтардың материалдық жағдайының жақсаруына әсер етіп, адамдардың өмір сүргісі келетін, жұмыс істегісі келетін, оқығысы келетін орта құруына әсер етеді деп ойлаймын.
    Бай табиғи ресурстарымыз, еңбекқор да білімді халқымыз, мемлекеттің мықты саясаты арқылы еліміздің гүлденетінін дәлелдеуге дайынмын. Осы жұмысымда көпшілік тұрғындардың мені қолдайтынына, ұлттық мүдделерге жауап беретін саясатты ңске асыруға күш-қуатымыздың жететініне кәміл сенемін. Сонымен қатар, елімізде әділ сот пен жақсы басқаруды нығайту керектігін көрсетемін. Менің борышым – жеке өзім үшін емес, мемлекет игілігі үшін әсер ету.
    Республиканың дамуы өз қолымызда, біздегі күш-қуат, құрбаншылдық, отаншылдық халқымыздың саулығына негізделеді.
    Қазақстан халқы – оның ең басты да ең құнды мемлекеттік байлығы. Адам – ол экономиканың бастауы мен мақсаты. Сондықтан да мен адамның, отбасының, мемлекеттің теңдестірілген дамуын ең басты етіп көрсетемін.
    Кей кездері бізге білім мен тәжірибенәі жеткіліксіз болып қалуы себебінен, менің басымдылығым – білім жүйесі. Дамыған елдерде білім мен дана ой және олардың тиімді пайдаланылуы – ел өсуінің негізі.
    Ел мүддесінің егемендігіміз бен тәуелсіздігіміздің кепілі ретінде халықаралық аренада оны нық қорғауымыз керек.
    Ең негізгі құндылығымыз – еркін, тәуелсіз, дамыған қазақ мемлекеті. Біз оны қорғаймыз. Басты мәселеміз – қазақ мемлекетінің егемендігі мен оның қорғанысы екенін әрдайым айтып жүрмін. Қосқым келетіні, қазақ мемлекетінің дамығанын қаласақ, Қазақстан халқының амандығын қаласақ, бұл жеткіліксіз. Бізге керегі, жоғары мемлекеттік лауазымнан бастап ең қарапайым жұмысқа дейін әр адам мемлекетке, ойына, шешіміне, іс-әрекетіне дербес қарап, өзін еркін сезіне білуі керек. Барлығымыз бірге еркіндік ауасымен тыныстайтын боламыз.
    Керей мен Жәнібек хандар құрған мемлекет көптеген ұрпақтардың күш-жігері арқылы халқымызды бүгінге жеткізді. Мемлекеттілігімізді нығайтудағы ата-баба ісін жалғастыруға міндеттіміз.
    Әр халықтың тарихы өзінше қиын. Біздің тарихымыздың қиын болып қана қоймай, үмітке толы болғандығына қуануымыз керек. Бүгінгі күні тәуелсіз және егеменді ел екендігімізді, аспан түстес байрағымызға мақтанышпен қарай алатынымызды айта аламыз. Бұл – тарихымыздың ең жақсы жетістігінің куәсі.
    Біздің тарихи жолымызда талай сынақтар, жеңістер мен жеңілістер, ауыр шығындар және жарқын үміттер болды. Осы жолда халқымыз өсті, нығайды.
    Қазақстанның ары қарай дамуы үшін адамдардың өз мемлекетіне деген сенімі мен біріккен еңбек қажет. Қазақстан игілігі үшін тер төгуге дайынмын!
    Қазақстанды біз өзіміздің жақын, сұлу адамымыздай жақсы көреміз. Өз сезімдерімізді жиі жасырсақ та, Отанымызбен бірге оның жетістіктеріне қуанамыз. Қиын кездерде мұңаямыз. Үміттерімізді ақтамаған кездері ренжиміз. Алысқа кеткенде сағынамыз. Қазақстанда болған кезде де, басқа жақтарда жүрген кезде де уайымдап, болып жатқан оқиғаларды қадағалауды тоқтатпаймыз.
    Жерді, халықты, отандастарды адам өзі таңдамайды. Қазақстан бізді таңдады. Сондықтан да біз осындамыз. Бізді таптады, бірақ езіп тастай алмады. Бізге оқ атты, бірақ құлата алмады. Бізді жаулап алды, бірақ бағындара алмады. Әр жерге тарап кеттік, бірақ біздің тамырымыз осы жерде.
    Қазақстан жаһандық экономикада әрекетшіл болуы керек. Қазақ мемлекеті өз дамуында бедел мен мақсатқа жету мүмкіндігіне ие болуы үшін, экономикамыз жаһандық деңгейде бәсекеге қабілетті болуға тиіс.
    Болашақтағы Қазақстан еңбекқор, білімді, азаматтық жауапты және ұйымшыл халық өмір сүретін ақылмен басқарылатын, экологиялық, шығармашыл, әлеуметәк ұлттық мемлекет болады.
    Қазақстан – мықты халқы бар ел. ХХІ ғасырдың жаңашыл Қазақ мемлекетін құратынымызды білемін. Қазақстан басқа елдермен достық, ынтымақтастық, сыйластық негізінде байланыс орната алатын белсенді, инновациялы, шығармашыл және ұлттық ел болатынына сенімдімін.
    Барлық ойым мен ісімді осы мақсатқа арнауға дайынмын, себебі мен Қазақстанды сүйемін.
    Жаратқан иеміз Қазақстанымызға қолдау болсын! Жаратқан иеміз еңбегімізге демеу болсын!

  2. Қазақ тумысынан ырымшыл халық қой. Жылқы жылы бұл Одаққа өз еркімен кірген болса, ертең үстіндегі Ерінің тартпасы (Ресей мен Беларус) бауырына батса бір тулап үстіндегілерді лақтырып жіберетіндей мінезге салса ЖАРАР ЕДІ ! Өйте алмаса -онда сорлы қойдай құрбандыққа шалынып кетуі ғажап емес!

  3. Оздери турасын айта алмайтын, не жаза алмайтын, ал акикатты жазып отырган акын Казыбек Исаны коре алмай жамандайтын орыскулдар толып жатыр. Олар оз аттарын атауга жандары калмай коркып, менин атым мен Рашит аганын атынан отирик коммент жазатын, тасадан тас ататын орыскулдарга айналганын, олардын, кiм екенин жаксы билип отырмыз.

  4. Қазыбек Иса ағамыз (Жағамыз) жаңа жылдағы алғашқы сөзінде турасын бір-ақ айтыпты (басқа адам айта алмайды)!!! Иә, ақынның жанайқайы Елбасымыздың “Егер Тәуелсіздікке титтей де бір нұқсан келсе, Одақтан бірден шығамыз!”-дегенімен күндесіп тұр екен!!! Біз Азаттығымызға көлеңке түсер болса, Қазақ елі үшін бәрін жамандауға, даттауға дайынбыз!!!
    Ел түгел менімен қоса жаңа жылды тойлап жатқанда, Қазыбек Иса мақала жазған ба? Жаңа жылдағы алғашқы сөзі атқан оқтай өткір шығыпты. Иә, Тәуелсіздік үшін отырып алып оттайтын Ез Қазақпыз!

  5. Егемендігімізді қорғау үшін,әр түрлі «цветной»революциялардан сақ блып,анау Америка мен Европадан аулақ болып,Украйнадағыдай пәлеге ұшырмау үшін,көреген Президентіміз Ресеймен одақ құрып отыр.Тәубә енді қорқатын ештеңе жоқ,Ресей сияқты алпауыттың қойнында шырт-шырт түкіріп жүре береміз.Порошенко сияқты дүмбілездерден сақтасын.

  6. Ел түгел жаңа жылды тойлап жатқанда, Қазыбек Иса мақала жазған ба? Жаңа жылдағы алғашқы сөзі атқан оқтай өткір шығыпты. Иә, Тәуелсіздік үшін бәріне дайын Ер Қазақпыз!

  7. Қазыбек Иса ағамыз жаңа жылдағы алғашқы сөзінде турасын бір-ақ айтыпты. Иә, ақынның жанайқайы Елбасымыздың «Егер Тәуелсіздікке титтей де бір нұқсан келсе, Одақтан бірден шығамыз!»-дегенімен үндесіп тұр екен. Біз Азаттығымызға көлеңке түсер болса, Қазақ елі үшін бәріне де дайынбыз!

  8. ЖАҢА ЖЫЛДЫҚ АЛҒАШҚЫ ЖАҢА АМАНДЫҚ БӘРІҢІЗГЕ! ҚАЗЕКЕҢНІҢ ПІКІРІ САНАСЫ БАР ҚАЗАҚҚА ОЙ САЛУҒА ТИІС.РАХМЕТ, АҚЫНДАР ОСЫЛАЙ АҚТЫ АҚ ДЕП, ҚАРАНЫ ҚАРА ДЕУДЕН ҚАЛЫП БАРА ЖАТҚАНДА, ҚАЗЕКЕҢ НАҚТЫ ДА НҰСҚА АЙТЫП ОТЫР. ҚОЙ ЖЫЛЫ ҚОЙША МАҢЫРАП ҚАЛМАЙЫҚ!

  9. АЛЛА БЕРГЕН ТӘУЕЛСІЗДІКТІ ЕҢ СОҢҒЫ БОЛЫП ЖАРИЯЛАП, 2015 ЖЫЛЫ ҚОЙ ЖЫЛЫ Еуразиялық Экономикалық ОДАҚҚА ЕЛДІҢ АЛДЫМЕН ЕНТЕЛЕП КІРГЕНДІГІМІЗДЕГІ АҢСАРЛЫ НИЕТІМІЗГЕ ҮМІТІМІЗДІҢ ҮЗІЛМЕС ӨЗЕГІН ҚАМДАЙ АЛДЫҚ ПА?? АЙЛАМЕН ҚҰРЫЛҒАН АПАННАН САҚ БОЛҒАНЫМЫЗ ЖӨН, ЕЛБАСЫМЫЗДЫҢ – БАБАЛАРЫМЫЗДЫҢ КӨРЕГЕНДІГІМЕН ШЫҢДАЛҒАН, БІЛІКТІЛГІМЕН СУАРЫЛҒАН ЖОЛЫНАН АДАСПАУЫН АЛЛАДАН ТІЛЕЙІК! ЖАҢА ЖЫЛ ТЕК ЖАҚСЫЛЫҚТАР ӘКЕЛСІН!

Пікір жазу

Пікіріңізді енгізіңіз!
мұнда сіздің атыңызды енгізіңіз