СЫРТҚЫ ІСТЕР МИНИСТРЛІГІ СЫРТТЫҢ МҮДДЕСІН ҒАНА ОЙЛАЙ МА?!.

12
1280

Қазақстан «Қырымды жаулаған» Ресей Федерациясының шешіміне түсіністікпен қарайды екен…  Сенбесеңіз, еліміздің Сыртқы істер министрлігінің  Қырымға байланысты мәлімдемесін оқып көріңіз.

Қазақстан Республикасы Сыртқы істер министрлігінің Қырым Автономиялық Республикасындағы референдумына қатысты мәлімдемесі

2014 жылы 16 наурызда Қырым Автономиялық Республикасында референдум өткізілуіне байланысты Қазақстан БҰҰ Жарғысына сәйкес халықаралық құқықтың іргелі қағидаттарына өзінің берік ұстанымын тағы да атап өтеді. Қазақстанда Қырымда өткен референдумды осы Автономиялық Республика халқының өз қалауын еркін білдіруі ретінде қабылдады және қалыптасқан жағдайда Ресей Федерациясының шешіміне түсіністікпен қарайды.Біз Украинаның дағдарыстан бейбіт түрде шығуын және оны БҰҰ және басқа да беделді халықаралық ұйымдардың қолдауымен келіссөздер арқылы еңсеруін қалаймыз.

    Сонда қалай, Ресейдің Қырымды жаулап алуын мойындамай, «заңсыздық» деп мәлімдеген әлемдегі барлық алдыңғы қатарлы алпауыт мемлекеттер ақымақ та, біз ғана «ақылды», «көреген», «саясаткер» елміз бе?  ДИПЛОМАТИЯЛЫҚ ҚЫЗМЕТІ  ТАЛАЙ ҒАСЫРДАН КЕЛЕ ЖАТҚАН ДАМЫҒАН ЕЛДЕРДІҢ РЕСЕЙДІҢ БАСҚЫНШЫЛЫҒЫН МОЙЫНДАМАУЫ ҚАТЕЛІК БОЛЫП, БІЗДІКІ ҒАНА ДҰРЫС БОЛҒАНЫ МА, ҚАЛАЙ?..

Айтқан жерден аулақ, «Өгізге туған күн бұзауға да туып», ертең олар біздің орысы көп өңірімізге «референдум өткіземіз» десе де, «түсіністікпен қараймыз ба?!.»  Жоқ, ең болмаса, үндемей-ақ қоя салсақ, біреу бізді буындыра ма?..  Қарапайым сөзбен қазақшалап айтқанда, бұл өзіміздің ұлттық мүддемізді қорғау емес… Ресейдің тәуелсіз Украинаның құрамындағы Қырымды жаулап алған басқыншылық мүддесіне иілу ғой… Сонда Сыртқы істер министрлігі сырттың мүддесін ғана ойлай ма? Жеке тұлғаға көп нәрсе байланысты екенін еске алсақ, бір ауыз қазақша білмейтін қазақтың Сыртқы істер министрі (мұндай масқара әлемде тек Қазақстанда ғана болады…)  Ерлан Ыдырысовтан бұдан артықты күтудің де қажеті жоқ қой деймін…  Оның  кезінде «миымды ауыстырмасаңдар, қазақ тілін үйрене алмаймын» – деп парламентте мәлімдеп, өз қара басының қамы үшін, елшілік туралы заңнан  «елшілік қызметкерлерінің мемлекеттік тілді білуі міндетті «деген бапты алғызып тастап, елімізге зор зиянын тигізгені белгілі…

«ЖОҚ, БҰЛ ШЫНДЫҚ ЕМЕС, МЕН БҰҒАН КЕЛІСПЕЙМІН»- ДЕП, ӨЗ ЕРКІМЕН ОТСТАВКІГЕ КЕТКЕН   ЛАУАЗЫМДЫ ТҰЛҒА БІЗДЕ БОЛҒАН ЕМЕС…  Ал біз көзсіз еліктеп, сөзсіз бас ұратын Ресейдегі  орыстың  көрнекті  жазушысы Константин Паустовскийге сүйенсек,  «АНА ТІЛІН БІЛМЕЙТІНДЕР ОТАНҒА ҚАУІПТІ!..»

Қазыбек ИСА

www.qazaquni.kz

 

 

12 ПІКІРЛЕР

  1. Намыс деген ұғым біздің биекелердің санасынан тіпті орын алмаған-ау. «Республика халқының өз қалауын еркін білдіруі» деген бәрімізге белгілі дүние ғой. Ұят, масқара.

  2. 1Ерлан Ыдырысов намыстан өлмейтін «бетбақ даланың бетбақ қарасы»»-деп Болат тауып айтыпты. Ерлан Ыдырысов отставкаға кетуі керек!

  3. Ертең «Қазақстанның Солтүстік пен Шығыс облыстары референдум «нәтижесінде» Ресейдің провинциясы болды» -десе мен оған күманданбаймын.Себебі,олай деуіме біздің құлдық психологиядан арылмаған,»орыс» деген сөз естілсе дамбалдарына сиіп жіберетін өңшең орысшыл Билік Үкіметте отыр.Қазыбек Иса айтқандай «Өгізге туған күн бұзауға да туады». Сонда сорлы Қазақстан не болпады?! Өзінің дербес пікірі жоқ,дербес тәуелсіз саясаты жоқ марианетка Үкімет! Ауруымның иесі үкімет болғаныңа!

  4. Бұл ел басына күн туса, сатып кететін сатқының сөзі ғой бұл. Сыртқы істер министрлігінің сөзі осы болса, келіскен екенбіз. Ертең ұрпағының бетіне қалай қарар екен. Бірақ бұларда ұят, намыс жоқ, кезінде 37-ші жылдары осындайлардың кесірінен құрып кеттік емес пе. Қайран қазағым-ай, қазағым!!!

  5. ертен рессейден зорлык келсе министрлер колдарын котерип соларга сатылып кетеди намысы бар казак деп журеги согатын курал алып шыгамыз жогарыда отыргандар олардын куши оздериниг казактарына жетеди шыдамнын да шеги бар алла казактарга куш берсин

  6. ‘Өлетін бала молаға қарай қашады’. Қазақстан мемлекетінің сыртқы істер министрлігі Ресейдің Украйнаға басқыншылығын қолдау арқылы өз елінің тәуелсіздігіне де немқұрайлы қарайтындығын көрсетіп отыр. Ресей сияқты шовинистік саясат ұстанатын елге қолдау көрсеткен қазақстан ертең басына іс түссе өзгеден қолдау көре алмайды. Бірақ Ресей орыстілділердің мүддесін қорғайтындықтан біздің қазақша қақпайтын тек орысша ойлайтын министріміздің мұртын балта кеспейді. Оның жеке мүддесін Ресей қорғайтыны анық. Сондай қолдаудың арқасында министр болып жүр емеспе?!

  7. не деуге болады. сыртқы істер м-гі елге кіріп жатқан сырт жақтан келетін дүнеяттарды да біліп тосқауыл болуы керек қой.ал еліміздегі тұрып жатқандар Карл шалдың:»тұрған елінің тілін тек қонақ пен нақұрыс білмеуі мүмкін және сол елдің жаулары-шапқыншылар білмейді»,депті. оны фс- тен оқып біліп отырмын. ьүсінікті болуы үшін осылай тәржіміледім

  8. СЫРТҚЫ ІСТЕР МИНИСТРЛІГІ СЫРТТЫҢ МҮДДЕСІН ҒАНА ОЙЛАЙ МА?!.
    Қарапайым сөзбен қазақшалап айтқанда, бұл өзіміздің ұлттық мүддемізді қорғау емес… Ресейдің тәуелсіз Украинаның құрамындағы Қырымды жаулап алған басқыншылық мүддесіне иілу ғой… Сонда Сыртқы істер министрлігі сырттың мүддесін ғана ойлай ма?

Пікір жазу

Пікіріңізді енгізіңіз!
мұнда сіздің атыңызды енгізіңіз