Ресейдің Ембі сынақ полигонын жалдау туралы шарты тоқтатылды

2017 ж. 23 ақпан

1898

1

[caption id="attachment_65237" align="aligncenter" width="550"]Ембі полигоны Ембі полигоны[/caption]

Бүгін Парламенттің төменгі палатасы Ембі сынақ полигонын жалдау туралы шартын тоқтатты. Енді 300 мың гектар жер Ақтөбе облысының әкімдігіне берілді деп хабарлайды Астана арнасы.

Ресейліктердің жалдауынан босатылған Ембі полигоны шаруаларға не пайдалы қазба өңдеушілерге берілмек.

Ембі сынақ полигоны жабылғанмен, Ресей қазақ даласында әлі үш полигонда әскери сынақтарын жүргізіп келеді. Көрші ел әскери мақтатта пайдаланып отырған қазақ жерінің жалпы аумағы 8 млн 600 мың га құрайды. Былтыр Ресей 4 полигон жерін жалдау үшін бюджетке 7 млрд теңге қаржы жұмсаған.

"1 гектарға екі жақтың келісіміне сәйкес, 1 гектарға 2,6 доллар келісілген. Сол ставкаға сай есептелді. Полигон жерін келісімге сай 10 жылға 1-ші келісім қойылады. Сосын өзінің белгілі тәртібі бойынша ары қарай ұзартыла береді", - дейді Қорғаныс министрінің орынбасары Талғат Мұхтаров.