МҰХТАР ТАЙЖАН: НЕГЕ ӨЗІМІЗДІҢ МЕМЛЕКЕТТІК ТІЛІМІЗДЕ СӨЙЛЕМЕЙМІЗ?

24
2708

Бүгін елордада экстремизм мен терроризмнің алдын алу және оның жолын кесу мәселелеріне арналған дөңгелек үстел отырысы барысында «Болатхан Тайжан» қорының президенті Мұхтар Тайжан әріптестерін қазақ тілінде сөйлеуге шақырды. Бұл туралы ҚазАқпарат жазды.

«Бүгін – 22 қыркүйек. Дәл осыдан 27 жыл бұрын «Тіл туралы» Заң қабылданды. Осында отырған бәріміз патриоттық жайында айтып жатырмыз. Ол дұрыс, құптаймыз. Бірақ, біз өзімізден бастап мемлекеттік тілге құрмет көрсетпесек, онда бізге қалай сенім артылмақ? Біз үлгі көрсетуге тиіс емеспіз бе, ағайын? Әрине, қазақ тілін білмейтіндерге еш айып жоқ. Орысша түсінеміз. Алайда, қазақша білетіндер қазақша сөйлесейікші. Елорданың, қазақ елінің астанасының төрінде отырмыз. Үлкен деңгейдегі жиын өтуде. Неге өзіміздің мемлекеттік тілімізде сөйлемейміз?», – деді ол дөңгелек үстелге қатысушыларға қарата.

24 ПІКІРЛЕР

  1. Үлкенді-кішілі бәрімізге Мұхтар бауырымыздан үлгі алуымыз керек. Қандай үлкен жиында болмасын әрқашан еш шен-шекпенге қарамай тайсалмай тіл мәселесін әрқашан орынды көтеріп отырады.Бұндай ерлік тек Отанын нағыз сүйгендердің қолынан келеді. Тіл тәуелсіздігіміздің белгісі де, мемлекеттік егемендігіміздің, қауіпсіздіктің де шартты құралы екенін де білетін уақыт болды ғой ағайын!

  2. Сөйлеп үйреніп қалғандар үшін орысша сөйлеу оңай шығар, əйтпесе қазақша сөйлеуге ешбір кедергі жоқ. Өзін сыйламайтын, өзгеге табынушыларға айтарымыз жоқ. Үміттеніп отырмыз, келешектен.

  3. Озге тилдин барин бил оз тилинди курметте дегендеи казир коп жастар жане агаларымыз казак тилинде соилеп келе жатыр аллага мында бир шукир оз казак жеримизде казак тилинде соилеик агайындар

  4. Патриоттық орысша не қазақа сөйлегенге қарап тұрған жоқ, жәй Кеңес дәуірінен қалған аз-маз орысшалар ғой)) Қазір керісінше өз тілімізге көп мән беріліп жүр

  5. Әр тіл өзінше көркем, өзінің орны бар әлемде, бірінші өз тілімізде сөйлейік, ал басқа тілдерді білгенің де артық етпейді.

  6. Мемлекеттік тілдің байлығын бір екі сөзбен айтып жеткізу оңай емес, ал шет елдің тілін айту ол барлық жерде жазылып та айтылып та жүр.

  7. Тіл білу заман талабы, басқа да шет тілдерін білуге қарсылығым жоқ. Дегенмен, өз тілімізді әрдайым жоғары қойюымыз керек

Пікір жазу

Пікіріңізді енгізіңіз!
мұнда сіздің атыңызды енгізіңіз