Мәжілістің құзыры күшейіп, сот пен конституциялық реформалар жүргізіледі

2015 ж. 28 сәуір

1921

0

«Қазақстандағы мерзімінен бұрын өткен президент сайлауынан кейін әдеттегіше өзгерістер болады. Үкіметте кадрлық өзгерістер мен қайта құрылымдаулар жүргізіледі. Бірінші кезекте Үкімет отставкіге кетеді. Бұдан кейін жаңа кадрлық тағайындаулар болады және «Нұрлы жол» бағдарламасын жүзеге асыратын комиссиялар құрылады. Министрліктердің құрылымдары өзгереді. Мемлекеттік қызмет істері жөніндегі жаңа агенттік пайда болады. Мемлекеттік қызмет туралы жаңа заң қабылданады. Бұдан кейін сот пен конституциялық  реформалар жүргізіледі. Мәжілістің рөлі бірден артады. Менің ойымша, оның тексеру жүргізу, Үкіметтен есеп алу өкілеттігі күшейеді».

Белгілі саясаттанушы Марат Шибұтов осылай дейді. Сайлаудан кейін үкіметтің отставкіге кететіні бесенеден белгілі. Алайда ғаламат кадрлық өзгеріс болады дегенге сену қиын. Естеріңізде болса, 2011 жылғы сайлаудан кейін де Үкіметте айтарлықтай өзгеріс болмады. Одан беріде Үкімет жетекшісі Серік Ахметов отставкіге кеткен кезде де премьерден басқа ешқандай ауыс-түйіс жасалған жоқ. Бұл жолы керісінше болуы мүмкін.  Министрлер орындарынан кетсе де Мәсімов премьерліктің креслосын сақтап қалады. Үлкен өзгерістің облыс әкімдері арасында болуы әбден мүмкін сияқты.

Ал, Үкіметте құрылымдық өзгерістер былтыр ғана жүргізілді. Қаржы дағдарысы кезінде тағы құрыламдау жүргізу...Бұл қаншалықты қисынды?

Б. Әбдірашұлы

oinet.kz