Амантай қажы егер сайлау болса, кімнің жеңіске жетуі мүмкін екенін айтты
2015 ж. 19 ақпан
1820
0
Елімізде мерзімінен бұрын президент сайлауы өтетін болса, оған Амантай қажы да қатысуға бел буып отырғанын хабарлағанбыз.
"Аттан Қазақстан" қозғалысының белсендісі осындай мәлімдеме жасаған болатын. Тіпті ол бейресми сайлауалды науқанды бастап та кеткен көрінеді.
Ол үшін көлемді плакаттар дайындап, үгіт-насихат жұмыстарына бел шеше кірісуде. Осыған дейін президенттік сайлауға кадидат ретінде 3 рет түскен еді.
"Құдайсыз мемлекет құрған нашар болады. Ол имансыз болады. Ал имансыз мемлекет құлайды. Менің бағдарламам, ұраным ниет тұтып қабыл болсын", - дейді "Аттан, Қазақстан!" қозғалысының жетекшісі Амантай қажы Асылбек.
Президент болудан үмітті ақсақал халықтың 30-40 пайыз дауысын жинайтынына да сенімді. Бірақ саяси науқанда елбасы Нұрсұлтан Назарбаевтың жеңіске жеткенін қалайды екен.
