Назарбаев «Ресеймен бірге өркендеуді» болжайды

5
1628

Қазақстан президенті Батыс пен Ресейдің санкция соғысын «жабайылық» деп атады. Назарбаев «Ресей бұл жағдайдан абыроймен шығып көркейіп кетеді, Ресеймен бірге Қазақстан да көркейеді» деп мәлімдейді.

Қазақстан президенті ​​Нұрсұлтан Назарбаев. Киев, 22 желтоқсан 2014 жыл.

Қазақстан президенті ​​Нұрсұлтан Назарбаев. Киев, 22 желтоқсан 2014 жыл.

Назарбаевтың айтуынша, Ресей рублі құлдырап, ресейлік импорттың қысымы күшейіп жатқан тұста қазақстандық өндірушілер шынымен проблемаларға тап болды, бірақ оның пікірінше, бұл қиындықтардың «Еуразия экономикалық одағымен (ЕАЭО) ешқандай байланысы жоқ».

Үкімет мүшелері жиыннан шығып келеді. Астана, 11 ақпан 2015 жыл.Үкімет мүшелері жиыннан шығып келеді. Астана, 11 ақпан 2015 жыл.

– ЕАЭО-ны құрғанда айтқан «өмір өзі өзгерістер енгізеді» деген болжамымыз келіп жатыр. Өзіміз бір бөлшегі болып отырған әлемдік капиталистік экономика осылай құбылып тұрса, не істей аласың? Біздің қолымызда тұрған жоқ. Қазір болып жатқан жағдайларды ЕАЭС пен Кеден Одағынан көру – барып тұрған дилетанттық. Ресейдің қазір ауыр жағдайға тап болғаны рас, бірақ біз Ресеймен біргеміз. Жабайы санкция салу ешкімге көмектеспейді, – деді Нұрсұлтан Назарбаев.

Ол бұған қоса «Ресей мына ауыр жағдайдан абыроймен шығып, көркейіп дамып кететініне, біз де бұл елмен бірге көркейетінімізге сенімдімін» деп мәлімдеді.

ДАҒДАРЫС ЖОҚ, БІРАҚ ҮНЕМДЕУ КЕРЕК

Қазақстан президенті Назарбаев елде қатаң үнемдеу режиміне көшу қажет деп мәлімдеді. Оның айтуынша, 2015 жылға арналған республикалық бюджеттің шығыс бөлігі 700 миллиард теңгеге немесе жалпы шығыстың 10 пайыз көлемінде азаймақ. Бірақ Назарбаев мемлекеттің әлеуметтік міндеттемелеріне бөлінген қаржы қысқармайтынын айтты.

– Мұнайдың бір баррелінің бағасы 100 доллардан асып, басқа өнімдеріміз бен металдарымыз сатылып тұрған кезде жағдайымыз жақсы болды, былайша айтқанда, жайылып кеттік. Ақшаны оңды-солды, олай да былай да жұмсадық. Болды, енді барды қанағат тұтыпөмір сүру керек, – деді Нұрсұлтан Назарбаев.

Оның пікірінше, Қазақстанда мерекелік шараларға тым көп ақша жұмсалады. Ол ысырапшылдықты қоюға, мерейтойларға жұмсалатын қаржыны азайтуға шақырды. Бірақ Қазақстанға EXPO сияқты имидждік жобалар не үшін керегін түсіндірді.

Қазақстан президентінің резиденциясы. Астана, 11 ақпан 2015 жыл.Қазақстан президентінің резиденциясы. Астана, 11 ақпан 2015 жыл.

– «Нұрлы жол» да, EXPO да, құрылыс та, тұрғын үй шаруашылығын жаңғырту да адамдарға жұмыс орнын беру үшін ойластырылған. Мұның бәрі қарапайым адамдардың қамы, – деді президент Назарбаев.

Бірақ оның сөзінше, «бүкіл мерейтойларда шығынды азайтып әрі балаларды үйретуге болады», ал түрлі мерекелерді теледидар арқылы құттықтаумен шектеліп немесе ғылыми конференциялар түрінде қарапайым етіп өткізуге болады.

Қазақстан президентінің айтуынша, үнемдеудің арқасында республика 4 миллиард доллар үнемдей алады.

ТЕҢГЕНІ «АҚША АЙЫРБАСТАУ АРҚЫЛЫ» ҚОЛДАУ

Үкіметтің кеңейтілген жиынында Нұрсұлтан Назарбаев Қазақстан билігі теңге бағамының күрт құбылуына жол бермеудің барлық шарасын жасайды деп мәлімдеп, ұлттық компанияларды «не туралы екенін» түсінетінін айтып, «ақшаларын айырбастау арқылы» Қазақстан валютасына қолдау көрсетуге шақырды.

2014 жылдың соңында ұлттық банк пен Қазақстан үкіметі осыған ұқсас мәлімдеме жасаған. Ол кезде билік «сыртқы факторлардың нашарлауына», Ресей рублінің құлдырауы мен мұнай бағасының арзандауына қарамастан, Қазақстанда бір сәттік девальвация болмайды деп жариялаған. Ұлттық банк пен үкіметтің бірлескен мәлімдемесінде тауар, қызмет бағаларын шартты бірлікте көрсетуге тыйым салу қарастырылып жатқаны да айтылған. Қазақстанда коммерциялық сипаттағы және жеке хабарландыруларда долларды «шартты бірлік» деп атайды.

Осыдан бір жыл бұрын, 2014 жылы ақпанның 11-і күні Қазақстанда теңгенің АҚШ долларына шаққандағы құны күрт арзандап, девальвация болған. Ұлттық банк доллар құнын 150 теңге шамасында ұстап тұрудан бас тартып, жаңа айырбас бағамын 185 теңге деп белгілеген.

www.azattyq.org

5 ПІКІРЛЕР

  1. Екі елдің алыс-берісін тоқтатпау үшін бізге Ресеймен тату болу керек. Экономикасы уақытша құлдырады екен деп көрші мемлекеттен бас тартуға болмайды. Саудагерлеріміз күнделікті қатынап, арзан тауарларды әкеліп жатыр. Машиналардың бағалары да Ресейдікімен шамалас болды. Экономикалық саясат дегеніміз осы. Екінші жағынан қауіпсіздік үшін де байланысты үзбеген абзал.

  2. Мының аты тек экономикалқ ықпалдастық қой. Ресейден қаншама тауарды сатып аламыз. Өіміздің тауарларды өткіземіз. Көршімен жақсы болмасақ, бізде олардікіндей әскер де жоқ. Сондықтан бұл сақтық шаралар деп ойлаймын.

  3. Қазақ елінің болашағы бұлыңғыр екен. Ресей гүлденсе біз де гүлденеміз, Ресей өлсе біз де өлеміз… Қазақстан бүкіл әлеммен саяси достықта болуы керек, бүкіл әлеммен елімізге пайдалы сауда саттық жасау керек. ОКДБ, СНГ, ТС, ЕАЕС дегендер, еш болащағы жоқ, Ресей империясының біз сияқтыларды арам пиғылмен жинап жасаған ұйымдары. Ресей империясы еш уақытта көркеймейді. Империя заманы өтіп кеткен. Орысқұлдық саясат Қазақ елін көркейтпейді. Халық мал емес, президент құдай емес. Бүкіл әлем арам пиғылды Ресей империясын тәртіпке шақырып жатқанда мына сөзіңіз ақылға қонбайды, қанша жерден орыстың құлы болсақ та.

  4. Украина мәселесі бойынша Қазақстан «түсінеміз» деп Ресейді жақтады. Путин Югославия, Иракты АҚШ бомбылады, біз кімнен кембіз деді. Елбасы Путиннің осы сөзін дәл қайталады.
    Югославияда ұлт аралық, Иракта діни ағымдар аралық соғыс болып жатты. Олар бір-бірімен ешқашан бір шешімге келмейтін еді. Сондықтан АҚШ, НАТО араласуына тура келді.
    АҚШ Ауғанстанға әскерін кіргзібегенде талибандар көрші мемлекеттерге тиісетін еді.
    Барлық мемлекеттер Ресейге теріс қарап, қатынастарын үзіп жатқанда, тек Қазақстан елпектеп жатыр. Тыныштық керек екенін барлығы біледі, тек Назарбаев емес, сол тыныштықты бұзған Ресейдің саясаты ғой.
    Өзбекстан, Тәжікстан т.б. көңілдерін батысқа аударып жатыр. Сонда да Ресей өзі жүгіріп, елпектейді. Себебі Орта Азия Ресейдің стратегиялық саясатына кіреді.

  5. Господин ПРЕЗИДЕНТ Нурсултан Абишевич ,не считаться с Западными санкциями нельзя,в это время .Воин как 1941 – 1945. годов УЖЕ НЕ будет . Пришло время ,мне кажется воина «Экономических санкций» История знает ,КНДР ,КУБА ,ИРАН,СССР,КИТАЙ ,Вьетнам ,все таки нашли путь развитие с цивилизованным МИРОМ.В КУБЕ уже открывается Посольства иностранных государств. ЕВРО СОЮЗ уже предупредил РОССИИ ,в том что раздела в Европе ,уже НЕ будет это же ясно всем.

Пікір жазу

Пікіріңізді енгізіңіз!
мұнда сіздің атыңызды енгізіңіз