Жас отбасылар үшін 3 мың пәтер берілді - Балаева

2019 жылы «Жастар жылы» шеңберінде 300-ден астам республикалық іс-шара жүзеге асырылды. Онда 2 миллионнан астам жастар қамтылды, арнайы шаралармен 800 мыңнан астам адам қамтылды.

Бұл туралы Орталық коммуникациялар қызметінің алаңында өткен халық алдында есеп беру кездесуінде министр А.Балаева мәлімдеді, - деп хабарлайды "Қазақ үні".

Ақпарат және қоғамдық даму министрінің ақпараты бойынша, тек Нұр-Сұлтан, Алматы және Шымкент қалаларында жұмыс істейтін жастар мен жас отбасылар үшін 3 мың жалға берілетін пәтер берілген. Барлығы 9 мың пәтер бөлу жоспарлануда.

«Жас кәсіпкер» жобасы аясында 5 мың адам мемлекеттен грант алып, жас кәсіпкер атанды. Бұдан басқа, 10 мың жас кәсіпкер өз өндірісін шағын несиелер есебінен кеңейтті, олардың көпшілігі ауыл жастарына берілді. 2019 жылы «Жасыл ел» жобасы аясында 20 мыңнан астам адам қамтылды.

Анықтама: 2019 жылы қосымша келесі шаралар жүзеге асырылды:

  • «Дипломмен ауылға» бағдарламасы бойынша мамандарға біржолғы жәрдемақы мөлшері 70-тен 100 айлық есептік көрсеткішке дейін ұлғайтылды;
  • жас ғалымдардың іргелі және қолданбалы зерттеулерін гранттық қаржыландыру 2020 жылдан бастап 3 жыл ішінде жыл сайын 3 млрд.теңгеге ұлғайтылды.
  • «әлеуметтік студенттік кредиттер» жүйесін енгізу арқылы волонтерлік қызметпен айналысатын жоғары оқу орындары студенттерінің стипендиялары 30% - ға арттырылды.