Белгілі журналист үкімет отырысында бірінен соң бірі орысша сөйлеген министрлерді сынға алды

10
4066

Белгілі журналист Болат Мүрсәлім үкімет отырысында бірінен кейін бірі шығып орысша сөйлеген министрлерді сынға алды деп хабарлайды NUR.KZ.

«Үкімет отырысын біраз уақыт онлайн-режимнен көрдім. Күнделікті жұмыс барысы. Бірақ, министрлер бірінен соң бірі шығып орысша сөйлеп жатыр. Қазақша амандасып, қазақша қорытындысын ғана айтады. Ал, негізгі баяндамалары орыс тілінде. Слайдтары орысша. Онлайн көріп отырғандардың бәрі «Неге қазақша сөйлемейді?» деп ашулы. Қазіргі уақытта «орыс тілі ресми тіл» деген қате түсінік қалыптасқан. Қазақ-ау, қазақ тілі ресми тіл ғой. Осыны ұғатын күн жетті ғой! Сағынтаев, Тасмағамбетов, Мырзахметов – қазақтың үш үлкен азаматы үкіметті басқарады деп интернеттің қуанғаны кеше ғана еді ғой… Сонда ел не үшін қуанды? Қазақтың үлесі 70 пайызға жетсе де орысшадан неге құтылмай отырмыз?», – деп жазды ол желідегі парақшасында.

Журналистің бұл жазбасын желі қолданушылары да қоштай түсті. Олар да барлық жиындардың орыс тілінде өтетініне өз реніштерін білдірді.

10 ПІКІРЛЕР

  1. Үкімет отырысы орыс тілінде өткізілсін деген мәтінді мен Қазақстан Республикасының Атазаңынан іздеп таба алмадым. Біздің Үкімет өзінің қай мемлекеттің Үкіметі екенін ұмытқан сияқты. Мүмкін Үкіметті Мәскеуге көшіру керек шығар?!

  2. Қазіргі билік тұсындағылардан қазақша сөйлеуді дәме қылмай-ақ қойыңыздар! Олар өлсе де қазақ тілінде сөйлемейді. Бәрі де қазақша сөйлемеуге Назарбаев алдында ант беріп, күшігінен таланып қалғандар. Қазақша сөйлесе Назарбаев олардың жүректерін көтендерінен қол салып отырып суырып алады. Қазақ үшін әлдебір жақсылық жасар қазақтар бұл билік тұсында билікке жете алмайды. Ал бұлардың орын ауыстыру ойынынан еш жаңалық, жақсылық күтіп керек емес. :aaa:

  3. Бұл тақырыптың – қазақтілді журналистер мен тіл жанашырларының ортасына әдейі лақтырылған сүйек сықылды екенін қалай түсінбейсіңдер? Соған тұс-тұстан тұра жармасып, өзара қызылөңеш бола беріңдер! Бұл әрекеттеріңнен биліктің қылшығы қисаймайды! Керісінше, Кремль мен ел ішіндегі ресейшіл күштердің алдында абыройы асып, мәртебесі жоғарылай түседі!!! Орыс әлемін көздің қарашығындай сақтағысы келетін Путинге адалдығын білдіргісі келетін біздің үкіметке бұдан артық қандай пиар керек!..

  4. Маскара, осы тил маселеси абден мези кылып шаршатты-ау! Кашан казакша Укиметтин отырыстары отеди, осыны жену ушин не истеймиз!

  5. шынымен неге қуандық, күлкім келеді, өзімнің үміттенгенім, қуанғаным үшін. құны көк тиын, тілін сатқан сатқындардың. Ұлтын ассимиляцияға бастап бара жатқан үкімет мейлі 100 жерден гүлдендірсін экономиканы, басқа елде, басқа тілде 100 есе көркейген экономикасы барында тұра аламыз. неліктен рашистардың тілінде өмір сүруіміз керек, бұлар ҚР ресей губерниясын жасап жатырғой, соларға бейімдеп. Оданша басқа елде басқа тілде өмір сүру керек.

  6. Қазақтар өзіміз қазақ сөзін қиындатып, орысша оқығандардар түгіл қазақ мектебін бітіргендердің өзін барлық халықаралық экономикалық, саяси терминдерді аударамыз деп шатастырып жібердік. Мысалы, диверсификацияны әртараптандыру деудің қаншалықты қажеті бар еді. Осындайлар толып жатыр. Қазақтың «білгіштері» бұл сөзді қазақшалаған мен едім деген мақтан үшін осылай тілімізді қиындату жолына түсірді. Сондықтан кінәні өзімізден іздейік, алдымен.

  7. Басқа елдің мемлекеттік тілінде баяндама жасаған қара орыс министр сымақтарды індемей тыңдап отырған үкімет мүшелерінде-де ешқандай намыс жоқ-ау :zhlau: …..

  8. КИТУРКЫ САЯСАТПЕН АЙНАЛЫСЫП ОТЫРГАН ТОП ПРЕЗИДЕНТ АЙНАЛАСЫНДА ШОГЫРЛАНГАН. БУНЫН БАР! Б!З ОЙЛАГАНДАЙ ОНАЙ ШАРУА ЕМЕС ЕГЕР ТАСТЫН ОЗ! ОРЫСШАЛАП ШАТЫП ОТЫРСА ОНДА БАСКАСЫНАН НЕ КАЙЫР НЕ УМ!Т. 21 ГАСЫР КАЗАХКА ТОНГЕН СОНЫНА ЖЕТ!П КУРТАТЫН ГАСЫРМА ДЕП КАЛАСЫН БУЛАРДАН ЕНД! КАЛАЙ КУТЫЛМАКПЫЗ.

Пікір жазу

Пікіріңізді енгізіңіз!
мұнда сіздің атыңызды енгізіңіз