Ислам Әбіш: «СІЗДЕЙ СУДЬЯҒА АДАМ ТАҒДЫРЫН СЕНІП ТАПСЫРУҒА БОЛМАЙДЫ! (видео)

10158
14
Бөлісу:

ИСЛАМ ӘБІШ СОТЫНДА СУДЬЯҒА СЕНІМСІЗДІК БІЛДІРІЛДІ!

МЕМЛЕКЕТТІК ТІЛДІ ЖЕТІК БІЛМЕГЕНІ ҮШІН сенімсіздік білдіру – ҚАЗАҚ ТІЛІНІҢ ЖЕҢІСІ

Судья Мекемтасқа өз ісіне жауапты қарамағаны және шешіміндегі қазақ тілінен қаптаған қып-қызыл қателері үшін Ислам Әбіш пен Серік Төкеев және адвокаттар мен қорғаушылардың барлығы сенімсіздік танытып, оның іс жүргізуіне қарсы болды.

1. Судья адвокат Абзал Құспанның 30 қыокүйектегі берген 8 өтінішінің біреуін де қанағаттандырмай, шала-шарпы негіздемемен қайтара салған. Бір өтініші – Сыбайлас жемқорлыққа қарсы Ұлттық бюро төрағасы А. Шпекбаевты куә ретінде шақыруына да берген негіздемесі сенімсіз. Ал бір өтінішке мүлде жауап берілмеген.

2. Судья Мекемтастың бір жарым беттік шешімінен адвокат Абзал Құспан 78 қате шығарған.
Тіл институтында жасалған негізгі сараптама да бар, ол алда жарияланады.

Ислам Әбііш судьяға: «8 өтініштің біреуіне де сенімді жауап бере алмаған, қазақ тілінде қып-қызыл қатемен жазған, алдын-ала дайын шешімді оқып беруден басқаны білмейтін СІЗДЕЙ СУДЬЯҒА АДАМ ТАҒДЫРЫ ТҮГІЛ МАСА ТАҒДЫРЫН СЕНІП ТАПСЫРУҒА БОЛМАЙДЫ!»-деп

Екі адвокат та, Абзал Құспан мен Ерлан Мәкенов те тамаша сөйледі! Нақты, дәл, тура айтылған, заңмен бекітілген, шегедей қағылған дәлел, шешен тілмен сөйленген сөзге судья ешнәрсе дей алмай, сот залын тастап шығып кетті!

Бұл Қазақстан астанасы Нұр-Сұлтан қаласындағы соттың түрі!? Сонда басқа өңірлердегі, әсіресе, солтүстіктегі, шығыстағы қалалардың соттары қандай күйде екен?

Міне, біздің Тәуелсіз Қазақстанның 30 жылында Мемлекеттік тілді меңгеру – Мемлекеттік мүдде, жалпы ұлттық идеологиядағы жеткен жеріміз, «жетістігіміз»!

Судья Қ. Мекемтас

Ол судья Мекемтас енді қазақ тілін үйрену курсына кетті ме, әлде қазақ тілін мазақ тілге айналдырғаны үшін өз еркімен орнын босатуға арыз беруге кетті ме, ол жағы әзірге белгісіз… Түстен кейін «Елордада қазақ тілін менен артық білетін сот жоқ»-деп, қайтып келіп сотты жүргізе беруі де әбден мүмкін… Өйткені біз Қазақстанда өмір сүреміз ғой, ал бізде бәрі де бола береді. Сыбайлас жемқорлыққа қарсы күрес ұлттық бюро төрағасы А.Шпекбаев Дүниежүзі Қазақ күресі федерациясы төрағасы Ислам Әбішті тұтқындап, өз еркімен федерациядан кетуге арыз жаздырып алып, бір аптаға жетпей орнына өзі отырып алып жатса, басқадан не сұрауға болады?!. Адвокат Абзал Құспан оны сол үшін сотқа куәлікке шақырған болатын… Ал біздің Қазақстанның азаматтары Конституциямыз бойынша бәрі тең құқылы деп жүрсек, олай емес екен! Сотқа шақыруға болатындар және сотқа шақыруға болмайтындар болып екіге бөлінеді екен?!.

Ислам Әбіш сотында МЕМЛЕКЕТТІК ТІЛДІ ЖЕТІК БІЛМЕГЕНІ ҮШІН судьяға сенімсіздік білдіру – ҚАЗАҚ ТІЛІ ЖЕҢІСІНІҢ АЛҒАШҚЫ ҚАДАМЫ!

Енді сот әділдігінің Жеңісіне жете берейік!

Ислам Әбіш сотына келген адамдар залға сыймай қалды.

Сот судья Мекемтасқа сенімсіздік бойынша шешім шығару үшін үзіліс жариялады. Сот түстен кейін 14-45-те жалғасады!

Қазыбек ИСА,

qazaquni.kz

 

Бөлісу:

Facebook арқылы жазылған пікірлер

Сайтта 14 пікір жазылған

  1. Алмас әсемханұлы 14 Қазан, 2019 13:56 Жауап

    Іс жүргізу тілін білмеген өте қиын. Ал іс жүргізу тілін соттың білмеуі бұл маймылға граната беріп қарап тұрғанмен бірдей. Ислам Әбіштің ісі бірнеше томнан тұратын күрделі іс. Адам тағдыры шешілетін жерде мұндай мамандардың төрағылық етуі миға қонымсыз.

  2. Мейраш 14 Қазан, 2019 16:32 Жауап

    Иа , өкінішті. Біздің судьялар қазақ тілің жетІк білмегендеріне ұйалмайды. Ең бастысы қолданған статья дұрыс болса болды деп отырады.

  3. Айбын Аргын 14 Қазан, 2019 17:33 Жауап

    Мемлекеттік тілді білмейтін судья мұндай қоғамдық резонанс тудырған күрделі іске қалай төрағалық етіп отыр? Мемлекеттік тілден 78 бірдей қате табылғаны өте сұмдық екен?!. Мұндай судьяға расында да сенімсіздік білдірілгені өте түсінікті!!!

  4. Ай-Ару 14 Қазан, 2019 18:03 Жауап

    Бар жоғы бір жарым беттік материалдан 78 қате жіберсе жетіскен екенбіз. Бүкіл қоғамның назарын аударған Ислам Əбішев ісіне неге жібі түзу судья табылмаған. Жоқ əлде Астанада қазақ тілін білетін бірде бір маман жоқ па?

  5. Айнаш 14 Қазан, 2019 20:55 Жауап

    Тілді білмеген адамның заңды білетініне күмəнім бар. Қалай ғана осындай маңызды орындарға сауатсыздарды жұмысқа алады екен?

  6. АЙША 14 Қазан, 2019 21:13 Жауап

    Нағыз жемқорларды тайраңдатып қойып, жазықсыз жанды жазғырып, қойған заман-ай! Ислам Əбішевке бостандық!

  7. Қарақат 14 Қазан, 2019 21:16 Жауап

    Ислам Əбішев мемлекетіне адал жұмыс істеген адам. Ол кісіні барлық аймақ халқы мен депутаттары түгел қолдауда.Алла жар болсын, Ислам ағамызға жəне ол кісіні қолдап бүгінгі соттан табылған ағайынға.

  8. Аягүл 14 Қазан, 2019 21:33 Жауап

    Мұндай суми судьялардың жазған қате қате жазбасына үндемей бас шұлғып отырған соттың қандай сиқыры бар? Неге оғы қабылдайды?

  9. Әсел Ақболатқызы 14 Қазан, 2019 23:25 Жауап

    Қазақ десең өзіңе тиеді. Ал көзге тайға таңба басқандай көрініп тұрған нәрсені айтпасаң тағы болмайды. Өкінішке орай, Қазақстан сотының қазіргі халі осындай…

  10. Әйгерім Өтебайқызы 15 Қазан, 2019 23:27 Жауап

    Оған біз кімді кінәлаймыз?! Бәлкім соттан бұрын одан жоғары Билікті кінәлармыз?! Билік мықты болса, Мемлекеттік тіл Қазақ тілін білу- Міндет деп Шегелеп қадап қойса, «Танысына сүйенгендер» немесе «Ақшаға басы айналып қалғандардың»емес, Биліктің Таза Алып күші болса оған бағынбайтын Сот болмайды ғой?!

  11. Мәмбет Құрманбаев 16 Қазан, 2019 08:49 Жауап

    Бізде қазақта бәрі бола береді ғой ! Олай дейтінім Сот тек қана Заңға бағынуы тиіс. Сот ісі мемлекеттік тілде жүруіне байланысты соттың мемлекеттік тілді таза меңгеруіне байланысты болу керек. Соттың шалалығы тілді таза білмеуі, осы істің артында тасада тығылып тас атушылар Алик Шпекбаевті, Қанат Бозымбаевты, Арман Шораевты неге сотқа шақырмағаны белгісіз? Жоқ әлде олар тағы бір арандату жоспарын дайындап отыр ма екен ? Ислам Әбішев пен Серік Төкеевке жапқан жалалары дәлелсіз болып олардың бостандыққа шығуынан беттері күйіп, көрінуге беті болмай сот отырысына қатысып отырған халықтанда сескенген шығар! Түбі ақиқат жеңіске жетерін білгендер енді сол Ислам Әбішев пен Серік Төкеевтерге қай бетімен қарар екен !

  12. Ұлмекен 20 Қараша, 2019 23:17 Жауап

    Өзі жұрттың жақсыны – жаман деп, жаманды – жақсы деп жаңылатыны бар емес пе?! Бірақ бұл сәттің ғұмыры қысқа болғай

Пікір немесе жауап жазу

20 + тоғыз =