Әділет министрлігі ел мәртебесін аяққа басқан ұйымды неге тіркеген?

1996 жылы қазанда ҚР Әділет министрлігі «Союз казаков Степного края» аймақтық қоғамдық бірлестігін тіркеу арқылы мемлекетке саяси сатқындық жасады. Өйткені, казактар Қазақстан тарихында да, қазақ тарихында да халыққа қарсы құрылған патшалық Ресейдің Қазақстан тәуелсіздігіне қарсы жұмсалған қарулы күші болатын. Оны осы ұйымның мына сайтындағы (http://www.arvedi.kz/union-of-cossacks-steppes/roo-sojuz-kazakov-stepnogo-kraja.html ) мына ақпараттан да көреміз: «О казачестве Казахстана, русских в Казахстане, о казачьих войсках и славянском союзе, о последних политических событиях в РК и РФ, аналитические материалы и событийная информация – все это вы можете прочитать на сайте Арведи.KZ! Основные направления (цели) деятельности: культурно-просветительская, правозащитная, защита прав и свобод российских соотечественников, проживающих в Казахстане; изучение истории развития культуры казачества». Сайт ашықтан ашық Ресей орыстарының Қазақстандағы отандастарының құқығы мен бостандығын қорғайтын ұйым болып шықты. Сонда Қазақстанның азаматтығы олардың құқығы мен бостандығын қорғамайтын болып, казактар қорғайтын айырықша күш екен! Және де ұйымның атауындағы «Степной край» тіркесі патшалық Ресейдің Қазақстанның тәуелсіздігінен айырылғаннан кейінгі берген мәртебесі болғандығын ҚР Әділет министрлігі ескермеген, білсе де байқамаған сыңай танытқан. Сөйтіп, Қазақстан аумағында құрылған шетелдік қоғамдық ұйымды тіркеген болып отыр. Бұл үшін ҚР Әділет министрлігі заң жүзінде жауап беруі керек және де бұл тіркеуді Конституциялық Кеңестің қарауына салатын уақыт туды. 17 жыл бойы Әділет министрлігі жат пиғылдағы шетелдік идеология мен мақсатты көздейтін ұйымды тіркеу арқылы елге сатқындық жасағаны қоғамдық айыптауға ұшырауы керек.

Abai.kz