Теңге әлсірей түсті – Ұлттық банк

2018 ж. 24 шілде

4265

1

2018 жылғы 20 шілдедегі сауда-саттық қорытындылары бойынша теңгенің нарықтық бағамы бір АҚШ доллары үшін бір апта ішінде 0,9%-ға әлсіреп (343,45-тен), 346,68 теңге деңгейінде қалыптасты, деп хабарлайды Baq.kz ақпарат агенттігі.

«Сыртқы валюталық нарық тұрғысынан 13 шілдеден 20 шілде аралығында маңызды оқиғалар Ресей Президенті В.Путин мен АҚШ Президенті Д.Трамптың қатысуымен Хельсинкидегі бірінші толықформатты Ресей-Америка саммиті, АҚШ ФРЖ-нің «Ақшыл сары кітапті» және АҚШ-тың өнеркәсіптік өндірісі бойынша деректерді жариялауы, АҚШ-тың ФРЖ басшысының елдегі монетарлық саясат және экономикалық ахуалға қатысты түсініктемелері, ОПЕК+ министрлік мониторингтік комитеттің маусымда мұнай өндірісін қысқарту туралы келісім талаптарының орындалу деңгейі туралы мәлімдемелері, сондай-ақ Д.Трамптың дамыған елдердің түрлі бағытттағы монетарлық саясаты аясында АҚШ долларының шамадан тыс нығаюына әкелді», - делінген Ұлттық банк хабарламасында.

Сонымен, дамушы елдердің валюта бағамдарының[1] АҚШ долларына қарағанда серпіні әр түрлі қалыптасты.

Мәселен, Ресей рублі АҚШ Президенті Д.Трамптың Ресейдің АҚШ-тағы сайлауға араласуына қатысты Американың арнайы қызметінің тұжырымымен келісуі және егер Ресей Америкадағы сайлауға араласуын жалғастыратын болса, автоматты түрде санкциялар енгізуді көздейтін заң жобасын АҚШ-тың Сенатында талқылау аясында 1,7%-ға (62,45-тен 62,51-ге дейін) әлсіреді. Ал, Оңтүстік Африка рэнді Оңтүстік Африка Орталық Банкінің РЕПО-ның орташа мөлшерлемесін 6,5%-дық деңгейде сақтап тұруы аясында 1%-ға (13,27-ден 13,40-қа дейін) әлсіреді. Өз түсініктемелерінде Орталық Банк инфляцияның әлеуетті өсу тәуекелдері туралы болжам айтты.

Бұдан басқа, Индонезия рупиясы 0,8%-ға (14 378-ден 14 495-ке дейін), Мексика песосы 0,7%-ға (18,89-дан 19,02-ге дейін), Үндістан рупиясы 0,5%-ға (68,53-тен 68,85-ке дейін) әлсіреді.

Ал, Түрік лирасы Түрік соты тыңшылық әрекеттері үшін және Ф.Гюлен қозғалысымен және курдтармен байланысы бар деп айыпталған америкалық пасторды қамауда ұстау мерзімін ұзартуына байланысты АҚШ тарапынан бұрын-соңды болмаған санкциялардың ықтималдығына қарамастан 1,0%-ға (4,84-тен 4,79-ға дейін нығайды. Сонымен қатар, Бразилия реалы Бразилия президентіне кандидат Д.Алкминнің центристік коалиция тарапынан қолдау табуы аясында 2,1%-ға (3,85-тен 3,77-ге дейін) нығайды.