АСТЫҚ ЭКСПОРТЫНЫҢ ӨРІСІ КЕҢЕЙЕДІ

Биыл Қазақстан кемінде 9 млн. тонна астық экспорттайды. Бұл туралы Үкімет үйінде өткен баспасөз мәслихатынан кейін ҚР Ауыл шаруашылығы вице-министрі Гүлмира Исаева мәлім етті. «Қазіргі уақытта егістік алқабының шамамен 95-96 пайызы бастырылды. Жиналған астықтың көлемі 20 млн. тоннаны құрайды. Біз ағымдағы жылы кемінде 9 млн. тонна астықты экс­портқа шығарамыз деп бол­жап отырмыз», – деді ол. Вице-министрдің айтуынша, қазақ астығын шы­ғаратын жаңа нарықтар ашылып, фитосанитарлық-ка­рантиндік талаптарды келісу рәсімдері жүргізілуде. Біздің сапалы астық Қытай та­рапынан үлкен сұранысқа ие екені белгілі. Сонымен қатар ол ағымдағы жылдың күз айында Вьетнам­ға Қа­зақ­стан астығының ал­ғаш­қы сынама партиясы жет­­кі­зілгендігін, ЕАЭО аясында Сингапурмен және Үндістанмен еркін сауда ай­мағын құру бойынша келіс­сөз­дердің жүргізіліп жат­қан­дығын айрықша атап өтті. qazaquni.kz