Алдағы жылдан бастап қарттардың зейнетақысы 45 пайызға өседі
2017 ж. 12 наурыз
2788
3
Алдағы жылдан бастап қарттардың зейнетақысы 45 пайызға өседі. Үкімет ең төменгі зейнетақыға 20 мың теңге қосуды жоспарлап отыр деп хабарлайды 31 арна.
Ал биылғы жылдың шілдесінен бастап зейнет жасындағы қариялардың алатын ақшасы 20 пайызға көбейеді. Зейнетақыны көбейту үшін бюджеттен 300 миллиард теңге қосымша қарастырылыпты. Бұл қаржы еліміздегі 3 миллионнан астам зейнеткерді қамтиды.
Үкімет 2020 жылға дейін осы жүйені дамытып, ең аз зейнетақыны 70 мыңға жеткіземіз деген уәде беріп отыр. Сондай-ақ министр Тамара Дүйсенова кезінде елдің шуынан кейін, президент кейінге қалдырған әйелдердің зейнетке шығу жасын да қозғады. Министр бұл өзгеріс алдағы жылдан жүзеге асады деп отыр. Дүйсенованың айтуынша, әйелдердің зейнетке шығу жасы кезең-кезеңмен өседі.
