Тәуелсіздік күнін тойлаумен аты шықпаған Атырау әкімдігі жаңажылдық безендіруге 47 миллион бөлген

Мұнай астанасы - Атыраудың жаңа жылдық безендірілуіне қала әкімдігі 47 млн теңге бөлген деп хабарлайды Мой город порталына сілтеме жасап NUR.KZ.

Атырау қаласының әкімі Серік Шапкенов жергілікті басылымға берген сұхбатында жаңа жыл қарсаңында арнайы бөлінген қаражатқа көше декорациялары жасалып, түрлі шамдармен безендіру жұмыстары жүргізілгенін айтқан.

Бүгінде қала жаңа жалды қарсы алуға сақадай сай тұр: Жарқырап көрінетін "Атырауды сүйемін" жазуы, мерекелік көңіл-күй сыйлайтын жаңа жылдық мүсіндер мен көздің жауын алатын түрлі-түсті шамдар және қаланың бас шыршасы орнатылған.

Сондай-ақ, 2017 жылдан бастап "Smart Atyrau" жобасы өз жұмысын бастамақшы.