Тіл – Халықтың рухы!
2023 ж. 14 наурыз
82
0
Тіл – Тәуелсіздіктің айғағы. Тіл мен егемендік егіз ұғым. Тілсіз-Тәуелсіздік, егемендіксіз тіл болмақ емес. Тіл – Тәуелсіздіктің қуатты тірегі, бірлік пен ынтымақтың жығылмас туы. Қазақ елі тәуелсіз мемлекет болып орнағалы ширек ғасырға таяу болды.
Мемлекеттік тіл – қаза тілі деп жарияланды. Ана тілі – ананың ақ сүтімен әр қазақ баласының бойына сіңген тіл емес пе еді. Ана тіліміз арқылы ғана біз халқымызды, Отанымызды танып білеміз. Әр адамның азаматтық қасиеті – өз халқын, өзінің атамекенін қалай сүюімен, өз ана тілін қалай білуімен өлшенбек. Әркімнің тілге деген құрметін өз анасына, өз ұлтына, өз Отанына деген құрметінен білуге болады.
Өз ана тілін ұмытқан адам – өз халқының өткенінен де, болашағынан да қол үзеді. Тіл – елдің мәдениетін қалыптастыратын ұйытқы, ұлттық бірліктің негізі, адамның рухани және имандылық қасиеттерінің басты факторы. Тіл білу халықты, оның тарихын, тұрмысы мен әдет-ғұрпын және салт-дәстүрлерін терең тануға жол ашады.
Мемлекеттік тіл – сол елдің халқын біріктіретін, ортақ істерге жұмылдыратын, елге деген перзенттік ықыласты қалыптастыратын бірден-бір құрал.
Мемлекеттік тіл – бүкіл Қазақстандықтардың тілі. Десекте ана тіліміздің толыққанды мемлекеттік тілге айналуына атсалысуымыз баршамыздың борышымыз болуға тиіс.
Ж.Аймауытовтың сөзімен айтқанда: «Ана – тілі халық болып жаралғаннан бері жан дүниесінің айнасы, өсіп-өніп түрлене беретін, мәңгі құламайтын бәйтерегі».
Тіл – аса қадірлеп ұстайтын байлығымыз. Ана тілімізді білмеу – өзімізге сын екенін баршамыз жадымыздан мәңгі шығармауымыз керек.
А.Ахметжанов
Ақмола облысының қылмыстық
істер жөніндегі мамандандырылған
ауданаралық соты кеңсесінің
сот приставы