Илья Ильин үш жылдан соң бірінші рет жарысқа шықты

Ауыр атлет Илья Ильин дисквалификациядан кейін бірінші рет жарысқа шықты, - деп хабарлайды Baq.kz ақпарат агенттігі Vesti.kz порталына сілтеме жасап.

Осы минуттарда 30 жастағы Ильин Талдықорған қаласында Қазақстан біріншілігіне қатысып жатыр. Ол 102 келіге дейінгі салмақта бірінші мүмкіндігінде 165 келіні жұлқа көтерді.

Бұл Қазақстан чемпионаты Ильин үшін 2015 жылы желтоқсанда өткен жарыстан кейінгі бірінші додасы. Ол кезде ауыр атлет Грозный қаласында РФ президентінің кубогын жеңіп алып, екі рет әлем рекордын орнатқан еді.

Еске салайық, Илья Ильин 2008 және 2012 жылғы Олипиада жүлделерінен допинге байланысты айырылып, IWF тәртіптік комиссиясының шешімімен екі жылға спорттан шеттелген еді. Тыйым 2016 жылдың 10 маусымынан бастап есептелді.

Ал Қазақстан құрамасы IWF қамқорлығымен өткізілетін жарыстардан бір жылға шеттетілген. Шеттету мерзімі 2018 жылы 19 қазанда аяқталады.