«Қайрат» УЕФА кубогының элиталық кезеңін жеңіспен бастады

Алматылық «Қайрат» футзал клубы UEFA кубогының элиталық кезеңіндегі алғашқы ойынында румыниялық «Дева» командасымен кездесіп, жеңіске жетті. Кездесудегі есеп – 5:2.

Қазақстандық команда қатарында Лео мен Тайеби екіден гол соқса, бір голды қақпашы Игита өз еншісінен жазды. «Қайрат» пен «Дева» командаларымен бір топта испаниялық «Интер» және португалиялық «Брага» командалары бар. Ал «Интер» мен «Брага» арасындағы ойында УЕФА кубогының қазіргі жеңімпаздары 3:2 есебімен жеңіске жетті.

Естеріңізге салсақ, шешуші кезеңге әр топта үздік шыққан команда жолдама алады. Финалдық кездесулер 19-20 немесе 21-22 сәуірде өтеді.

prosports.kz