Қазақстан қоржынына Универсиаданың тоғызыншы алтыны түсті

Қазақстан қоржынына Универсиаданың тоғызыншы алтын медалі түсті деп хабарлайды Vesti.kz.

Құрамында Анна Шевченко мен Олжас Климин бар қазақстандық шаңғышылар үздік нәтиже көрсетті - 18:23.48.

Осылайша олар ел қоржынына тоғызыншы медальді салып отыр. Екінші орында Франция командасы (18:28.67), ал үшінші орынды Ресей командасы (18:29.50) жеңіп алды.

Тағы бір қазақстандық жұп Ольга Мандрик пен Сергей Малышев 19:11.72 нәтижесімен алтыншы болып келді.

Айта кетейік, Шевченко Универсиадада Қазақстанға бірінші болып медаль алып берген еді. Ол дәстүрлі жүрістен жеке бақ сынап, үшінші орын алған болатын.