Футболдан Қазақстанның жастар құрамасы тұңғыш рет финалға шықты

Қазақстан жасөспірімдер құрамасы тарихта тұңғыш рет Гранаткин мемориалының финалына жолдама алды деп хабарлайды NUR.KZ.

ФИФА-ның бірінші вице-президенті құрметіне өткізілетін дәстүрлі турнирде құрама ойыншылары тұңғыш рет жақсы нәтиже көрсетіп отыр. Ширек финалда Словениядан 2:0 есебімен басым түскен Қазақстан құрамасы жартылай финалда Грекияны 2:1 есебімен жеңді.

Гректердің қақпасына екі гол соққан ойыншы Айдос Орал  құраманы финалға алып шықты.

Енді Қазақстан құрамасы Гранаткин турнирінің финалында "Зенит" және Ресей құрамасы арасындағы матч жеңімпазымен кездеседі.

Гранаткин мемориалы - 2017. 1/2 финал

Қазақстан U-18 - Грекия U-18 - 2:1 (2:0)

Голдар: Орал 18, 49 - Цоварас 57

Алаңнан қуылды: Пайруз 42