Самат Смақов "Ақтөбеден" ай сайын 6 млн теңге жалақы алып отырған (фото)

"Ақтөбе" клубының футболшылары қанша жалақы алатын белгілі болды. Футболшылардың табысы көрсетілген тізім клубтың ресми сайтында пайда болды деп хабарлайды NUR.KZ.

Футболшылардың ішінде ең жоғары жалақы алатын Алексей Щеткин екен. Оның айлық табысы 9 млн теңге. Екінші орында клубтың экс-капитаны Самат Смақов. Ұлттық құрамада ең көп ойын өткізген футболшының «Ақтөбе» сапындағы ай сайынғы жалақысы 6 млн теңге болған. Ал үздік үштікті Кирилл Шестаков аяқтап отыр. Оның айлық табысы 2,5 млн теңге.

Ал клубтағы ең төменгі жалақы алатын футболшылар Әбдікәрімов, Тамабай және Трофимец екен. Олардың айлық жалақасы небәрі 100 мың теңге.

Тізім екіге бөлінген. Легионерлер және қазақстандықтар. Легионерлер арасында ең жоғары жалақы алатын ойыншы - Бочаров. Ол айына 2,5 млн теңге алса, клубтың бапкері Юрия Уткульбаева айына 3, 5 млн теңге жалақы алып отырған.