Отандасымыз Бекман Сойлыбаев кәсіби бокста осымен бесінші рет жеңіске жетті. Ол қарсыласын 38 секундта нокаутқа түсірді. Бұл туралы 24.kz хабарлады.

Бекман Сойлыбаевтың кәсіпқой бокстағы кезекті жекпе-жегі Калифорнияның Чино қаласында өтті. Ол мексикалық қарсыласы Серхио Нахерді гонг белгісінен кейін ауыр соққының астына алып, есенгіретіп тастады. Нәтижесінде оның жойқын жұдырығына шыдас бермеген Нахер 38 секундта нокаутқа түсті. Айта кетейік, бұл Бекман Сойлыбаев үшін кәсіби бокстағы бесінші жекпе-жегі. Сондай-ақ, отандасымыз мерзімінен бұрын аяқталған үшінші жеңіске қол жеткізіп отыр