Промоутер Головкиннің кіші Чавеспен маусымда жұдырықтасуға дайын екенін айтты

1
1059

Орта салмақтағы WBA (Super) және WBC (Interim) чемпионы Геннадий Головкин мүддесін қорғаушы промоутер Том Лёффлер Twitter –де қазақстандық боксшыны нокаутпен жеңемін деп жазған мексикалық Хулио Сезар Чавес-кішінің мәлімдемесіне жауап берді, деп хабарлайды Allboxing.ru.


«Керемет мәлімдеме, – деген Лёффлердің сөзін Ringtv. com. келтірді. – Оған Twitter-ге жазғанша, жұдырықтасуға келіскені жақсы болар еді. Егер ол Фонфараны жеңсе, Головкинмен керемет жекпе-жек өтер еді. Головкин маусым айында жұдырық түйістіруге дайын», – деді Леффлер өз жазбасында.

Еске сала кетсек, 2015 жылғы 22 ақпанда Монте-Карлода қазақстандық боксшы Геннадий Головкин 72,6 кг дейінгі салмақ дәрежесіндегі WBA және WBC чемпионы атақтарын қорғап қалды. Геннадий Головкин Мартин Мюррейді 11-раундта техникалық нокаутпен жеңді.

Ал жекпе-жектен кейін орта салмақтағы әлемнің экс-чемпионы, мексикалық Хулио Сезар Чавес-кіші Геннадий Головкинді жұдырықтасуға шақырып, тіпті қазақстандық боксшыны нокаутпен жеңетін болса, оған миллион доллар беруге дайын екендігін айтты.

1 Пікір

Пікір жазу

Пікіріңізді енгізіңіз!
мұнда сіздің атыңызды енгізіңіз