Қысқы универсиада-2015-те Қазақстан үшінші орынға ие болды
2015 ж. 16 ақпан
1698
0
Кеше түнде Испанияда ХХVII қысқы Универсиада тамамдалды. Соңғы алтын медаль хоккейші жігіттер арасында сарапқа салынып, Қазақстан құрамасы күміс жүлдені қанағат тұтты.
Негізін Қазақстан чемпионатындағы хоккейшілеріміз құрайтын еліміздің студенттері финалда Ресей құрамасымен кездесті. Өкінішке қарай, 1:3 есебімен есі жіберіп алып, күміс жүлдені көңілге медеу тұтты.
Егер біздің хоккейшілер жеңіске жетсе, Қазақстан спортшылары жалпы командалық есепте екінші орынға ие болар еді. Сонымен 5 алтын, 6 күміс барлығы 11 медальді қоржынға салған Қазақстан құрамасы жалпы командалық есепте 3 орынға қол жеткізді.
Бірінші орында Ресей, ал екінші орынды алтындарының саны бізбен бірдей, бірақ күмісі көбірек Кореяның судент-спортшылары иеленді.
