Шабытың оянса, шахмат ойна...

  Журналистердің төл мере­кесі қарсаңында «Қазақ газеттері» ЖШС-іне қа­расты «Ақиқат» журна­лы­ның жүлдесі үшін тұң­ғыш шахмат турнирі өтті. Қолына қалам ұста­ған жандар белсенділік таны­тып, жастармен бірге аға буын өкілдері де келіп қатысты

Журналистерге дем беру үшін еліміздің мақтанышы, жас та болса, бас болып жүр­ген әлемдегі ең жас грос­смейс­тер, әлемнің төрт дүркін чем­пионы 12 жасар Жансая Әбдімәлік келіп ойынды өз бақы­лауына алды. Шахмат турниріне «Алматы Пана LTD» құрылыс қомпания­сы, «Тұң­­ғыш Президент қо­ры­ның білім беру қоры», «Extrapress» компаниясы және ҚазҰТУдың спорт кеше­ні демеу болды. Бі­рінші орын жүлдесі үшін соңғы технологиямен жаб­дықталған қымбат смартфон тігілді, басқа­лаларына қомақты қар­жылай және ынталан­дыру сыйлықтары белгіленді. Ұзаққа созылған қызу ойынның нәтижесі мынадай болды: 3-ші орын­ды Жұмат Әнесұлы, 2-ші орын­ды Асқар­бек Беков алды, ал, жүл­делі 1-ші орынға Нұрлан Құмар жетіп, қанжығасына бағалы сыйлықты байлады. Ұйымдастыру алқасы басқа да номинация бойынша сыйлық табыстауды ұмыт қалдырмады. Ынталандыру сыйлығы Ағыбай Мұқатай мен Ғазизбек Ташимбайға бұйырса, жартылай финалға дейін өткен Ибраим Ба­ратовқа арнайы сыйлық табысталды. Тағы бір ар­найы сыйлық – «Жеңіске деген жігері үшін» Вадим Махинге табысталды. Турнир бары­сындағы аға ойыншы Аян Нысаналинге шапан жабылып, Бауыржан Мұқанов ең жас ойыншы болып танылды. Ал­ғаш ұйымдастырылып отырған атал­мыш шара жылда өз демеу­шілерін тауып, дәстүрлі түрде өткізіліп тұрса игі.

                                                                                                                                                                                                                       Жадыра ОМАРЖАН