Абиба Абужақынова ҚазҰУ дипломын алды

Әл-Фараби атындағы Қазақ ұлттық университетінде спортшы-дзюдошы, Будапешттегі әлем чемпионатының күміс жүлдегері Абиба Абужақыноваға диплом табыс етілді.

Белгілі спортшы ҚазҰУ-да оқуын аяқтап, заң факультетінің «Құқық қорғау қызметі» мамандығы бойынша екінші жоғары білім алды.

ҚазҰУ түлектеріне диплом тапсыру рәсімі кезінде Абиба Абужақынова білімін жетілдіруге үлес қосқан әрі қолдау көрсеткен оқытушыларына шын жүректен алғысын білдірді. «Университет қабырғасында мен екінші жоғары біліммен қатар, өмірлік маңызды сабақтар алдым. Мұнда маған тәртіп, адалдық пен мақсатқа жету үшін табандылықты үйретті. Бұл қасиеттер менің алға ұмтылуыма және кез келген қиындықты жеңуіме көмектеседі. Қазіргі уақытта мен кәсіби дамуымды жалғастыру үшін және жоғары білім алу мақсатында магистратураға түсуге дайындық үстіндемін», – деді Абиба Абужақынова.

Абиба Абужақынова 3-ші данның (IJF) иегері, 48 келіге дейінгі салмақ дәрежесінде өнер көрсетіп, биыл Будапештте өткен әлем чемпионатында күміс медаль жеңіп алды.

Абиба – әлем чемпионатының тұғырына үш рет көтерілген алғашқы қазақстандық дзюдошы. 2023 жылғы дзюдошылардың әлемдік рейтингінің қорытындысы бойынша спортшы әлемнің үздік дзюдошыларының бестігіне кірді.

2023 жылы Абиба Португалиядағы Гран-при сериясынан турнирдің жеңімпазы атанды. Осылайша беделді турнирді жеңіп алған спортшы Қазақстанның дзюдодан алғашқы өкілі болды. 2024 жылдың көктемінде Біріккен Араб Әмірліктеріндегі олимпиадаға дейінгі әлем чемпионатында ол тағы да қола медаль жеңіп алып, үшінші орын үшін күресте Түркиядан келген спортшы Туксех Бедерді жеңді.

Білім ордасын табысты тамамдаған ҚазҰУ түлегін құттықтай отырып, спортшыға өмірде де, спортта да жаңа жеңістер тілейміз!