Бұқаралық спорт және жас ерекшеліктері

Мемлекет басшысы бұқаралық спортты дамыту Қазақстан үшін аса маңызды екенін бірнеше рет атап өткен болатын. ҚР Туризм және спорт министрлігінің мәліметінше, бүгінде халықтың 40,4 пайызы — бұл 8 миллионнан астам адам тұрақты түрде дене шынықтырумен және спортпен шұғылданады.

2029 жылға дейін бұл көрсеткішті 50 пайызға жеткізу міндеті қойылған.

2024 жылдың қортынды мәліметі бойынша спортпен айналысатындардың жалпы саны — 8 406 213 адам. Оның ішінде жас ерекшелігіне қарай:

* 3–5 жас: 141 872 адам — ауылдық жерлерде: 26 046

* 6–13 жас: 2 575 711 адам — ауылдық жерлерде: 1 002 016

* 14–18 жас: 2 009 876 адам — ауылдық жерлерде: 748 253

* 19–35 жас: 2 329 977 адам — ауылдық жерлерде: 828 564

* 36–65 жас: 1 242 922 адам — ауылдық жерлерде: 485 969

* 65 жастан жоғары: 106 694 адам — ауылдық жерлерде: 20 434

Спортпен белсенді айналысатындардың үлесі бойынша көшбасшылар (пайыздық көрсеткішпен):

* Алматы қаласы — 11,37%

* Түркістан облысы — 10,53%

* Астана қаласы — 7,15%

* Алматы облысы — 7,64%

* Шымкент қаласы — 6,48%.