Алматылық студенттер аламанда топ жарды

Жыл сайын дәстүрлі түрде өткізіліп келе жатқан Бүкіләлемдік жазғы Универсиадада Әл-Фараби атындағы ҚазҰУ-нің студенттері жеңіс тұғырына көтерілді, - деп хабарлайды "Қазақ үні" ақпарат агенттігі.

Университет тәлімгерлері жалпы 37 спорт түрінен сынға түсті. Жалпы жоғары оқу орны құрамасының қоржынында 14 алтын, 9 күміс және 5 қола медаль бар.

Сындарлы сайысқа түскен спортшылардың сөзінше, бүгінгі таңда оқу орны базасында салауатты өмір салтын ұстанып, спортпен кәсіби түрде айналысуға барлық жағдай жасалған. Соның арқасында студенттер түрлі халықаралық сайыстарда топ жарып жүр.

Командалық есепте Қазақстанның 60 жоғары оқу орнынан келген қарсыластарын басып озып, алға шыққан ҚазҰУ студенттері ендігі кезекте Неапольдегі Дүниежүзілік ХХХ жазғы Универсиадаға қатысуға жолдама ұтып алды.

Еске сала кетейік, 3-14 шілде аралығында Неапольде өтетін Дүниежүзілік ХХХ жазғы Универсиадаға әлемнің 170 елінен спортшылар қатысады деп күтілуде.