Ақтөбедегі оқиғаны мойындарына алған "Қазақстанды азат ету армиясы" деген кімдер?

022016 жылғы 5 және 6-маусымда Ақтөбеде орын алған қайғылы оқиға — өзіңе тегін пиар жасаудың таптырмас амалы. Интернетке аз да болса, шындыққа жанасатын ақпарат салсаң, жетіп жатыр — аз уақытта елге танымал болып шығасың.

Кеше желіде «Ақтөбедегі лаңкестік актілер үшін жауапкершілікті «Қазақстанды азат ету тобы өз мойнына  алды деген хабарлама пайда болды. Бұл туралы алғашқы ақпаратты «Азаттық» радиосы таратты:

«Қазақстанды азат ету Армиясы деген әлдебір ұйым халықаралық БАҚ-қа арналған мәлімдемесінде Ақтөбедегі қанды оқиғаларға жауапкершілікті өз мойнына алыпты. Атап айтқанда, аталмыш ұйымның үндеуінде «бұл Қазақстанның демократиялық жолмен дамуын қолдайтындардың Назарбаевтың сыбайластырының диктатурасына берілген алғашқы соққы» делінген.

Атап айтарлығы, «Азаттық» радиосы «халықаралық БАҚ-қа арналған мәлімдеменің» мәтінін көрсете алмады…

Одан кейінгі оқиға көз ілеспес жылдамдықпен өрбіді.. Келесі жалған жаңалықты көпшілікке «Би-би-си» жария етіпті, ал одан кейін Қазақстанның және шетелдің барлық БАҚ-тары іліп алып кеткен. Астана уақыты бойынша кешкі сағат 17.00-ге қарай аты „аңызға„ айналған «армия» туралы жаңалықты 10 000-нан астам (Google-ге сәйкес) басылым таратыпты.

b1-1

«Мен балама қараймын – балам жерге қарайды», дегендей, «Би-би-си» «Азаттыққа» сілтеме жасаса, «Азаттық» Интернетке қарайды, Интернетте үн жоқ…

Осы орайда, лаңкестікпен күресетін күштік құрылымдағы білікті дереккөзі хабарлағандай, ол ешқандай «Қазақстанды азат ету Армиясы» туралы естімепті.

Соған қарамастан, армия туралы тексерілмеген ақпарат осындай адам сенгісіз қарқынмен көшіріліп, таратылғанға қарағанда, жақын арада ондай армия пайда болады деп сенімді айтуға болады – оны ойлап тапқан журналистер ғой…

Дерек көзі: 365info.kz