Сәкен Майғазиев танымал журналистердің жағын сындыратынын айтты

49
13911

Сәкен Майғазеив соңғы посттарының бірінде: «Кейде, арзан атақтың артын жалаған арсыздар мен «хайптың» құлы болған қараңғылар, қазақтың түбіне жетеді-ау» – деп instagram-парақшасында жазба қалдырған болатын. «Музарт» тобының мүшесі бұл сынның кімдерге бағытталғанын ашып айтты.

Әнші әңгіменің әлқиссасын атышулы «Қалаулым» жобасын басқаратын журналист Шаһкерім Кәрменнен бастады.

«Солардың бірі – Шаһкерім. Асылдың сынығы, сондай керемет азамат Жәнібек Кәрменовтей қазақтың тұлғасының, қазақтың өнер майталманының ұлы сондай тірлік жасап жүрсе, қазақтың тілін олай насихаттамай қойсын. Қырғыздар көреді, өзбектер көреді дейді. Олай мазақ қылып көрмей-ақ қойсын бізді. Мен солай айтқан болар едім», – дейді Сәкен Майғазиев.

Сондай-ақ, өнер иесі Баян Алагөзоваға анайы сұрақтар қойып, танымал продюсерді тығыраққа тіреген Аман Тасығанға да өкпесі қара қазандай екенін жеткізді. Тіпті, журналистке арнайы қоңырау шалып, мұндай тақырыптағы сұхбаттарды тоқтатуын талап еткен.

«Мен барлығына қоңырау шалдым. Мен тек әлеуметтік желі арқылы ғана емес, тікелей өздеріне де хабарласып айтып жүрмін. Не деген бейбастық, қойсаңдаршы, қысқартсаңдаршы деп. «Сіздер түсінбейсіздер дегенге саяды. Онда тұрған не бар? Қазіргі заманның талабы сол» – дейді. Онда заманның талабы сол болса, құл болып кетейік.  Ол деген санасыздық. Өнердегі жүрген әріптестеріме де айтқым келеді. Ертең ұл өсіресіңдер, қыз өсіресіңдер. «Ой, Сәкен аға да ақылды болып…» демеңіздер. Көрінген таудың алыстығы жоқ. Ертең немере көресіздер. Солардың барлығы сол істеген нәрсені қайталап жатса, барлық обалы өздеріңіздерге тиетінін ұмытпаңыздар», – дейді  «Музарт» тобының әншісі.

Майғазиевтің айтуынша, Шаһкерім Кәрмен жетекшілік ететін «Қалаулым» бағдарламасы мен Аман Тасығанның «Talk like» жобасы қоғамның бұзылуына зор әсерін тигізіп жатыр.

«Баяғыда Тоқтар Серіков: «Кез-келген адам орамал тағып тұрған қыздан гөрі, жартылай жалаңаш қызға көзі жалт ете қалатыны заңдылық» – деп айтып еді. Нәпсі деген болады. Бізді азғырып жатыр да. Шайтанға әскер болсақ, біздің құрдымға кеткеніміз. Мен сүттен ақ, судан таза, пәкпін деп тұрған жоқпын. Бірақ соны саналы түрде біліп тұрып, қазақша жаман сөз бар енді «суға сындыру» немесе «суға бүлдіру» деген. Өз басым осыны барып тұрған үлкен надандық деп ойлаймын», – дейді Майғазиев.

Сәкен Майғазив бұл сұхбаты арқылы хайптың жетегінде кеткен жігіттерге соңғы ескертуін жасады.

«Бауырларыма айтқым келеді тағы да. Біз сияқты намысты азаматтарды, қол жұмсауға дейін мәжбүрлемеңіздерші, өтініш. Бір күні болмаса, бір күні намысты азаматтар жарылады. Жақтарыңыз сынып, аяқтарыңыз мәйіп болып жүрмесін. Тағы ескертемін. Әрине барлығы заңмен қорғалған. Бірақ мен бабамның әруағы үшін, Алланың разылығы үшін, мен ондай қадамға баруға дайынмын. Абай болыңдар жігіттер! Хайп деп жүріп, хайпқа құл болып кетіп жүрмеңдер»,  -дейді Сәкен.

Ақпарат көзі: Sn.kz

49 ПІКІРЛЕР

  1. Әрине Сәкен ағаның айтқанына толықтай келісем келісіп қана қоймай түнгі Алматыда осы жигиттер кездесетін болса ол кісіден бұрын менақ мұрындарын бұзам. Сәкен аға сіздей алдымызда намысты ағаларымыз барда біз сіздердің жолдарыңды жалғауға әзірміз.

  2. Алла разы болсын Сакен бауырымыздыки дурыс мен оның жазганына толыктай косыламын.

  3. Сәкен, сенің әнші екендігіңде дау жоқ. Өнер адамы сендей-ақ болсын. Бірақ, сенің қазақ деп соққан жүрегің біз үшін аса қымбат. Сені биіктен көре берейік!

  4. Мысалы Аман Тасығанның қоятын сұрақтары өте өрескел, санасы бар адам ондай сұрақтарды қоймау керек.Қазір оның жүргізетін бағдарламасын ИНСТАЛАЙЫҚТЫ көрмейтін болдым.Өте арзан,пəтуасы жоқ багдарлама. Сәкен сізге рақмет.Сəкен сияқты терең ойлы жігіттеріміз жасасын!

  5. «Қалаулым» бағдарламасы сорақылыққа толы бағдарлама, оны жабу керек! Аша Матай мен Шәхкерим Кәрменов ұл-қыздарды ұяттан бездіріп жүр, сол екеуі ЗАҢ АЛДЫНДА ЖАУАП БЕРУІ КЕРЕК!!!!

  6. Күшеншектер,күштерің Карин,Абаев,Арыстанбектерге жетпеген соң,жастарға кіжіңдеп жатырсыңдарма.

  7. Жарайсың Сәкен інім! Сені Алла қолдасын. Ал бүкіл Оңтүстік (Шымкент) өңірі мен Теріскей елі (қасиетті Созақ өлкесі, Шудария бойы) мына әрекетіңді қолдайтынына кәміл сенемін

  8. Искусство по наслесдству не передается!!! Карменов может мощный, а его пацан чепуха, кто не служил в армий, не носил солдатские сапоги, все фигня…. Журналистов всех до единого в Армий надо чморит, по нарядам чтобы шуршали
    САКЕН мужик!!! Уважаю, справедливый чувак!!!

  9. Салеметсыз бе! ‍♀Мен сызды Глобуска – жана украиндык жобага косылуга шакырамын. . Бул жерде интернет аркылы акша табуга болады. Небары 3 карапайым кадам жасау аркылы: ⤵
    1) мен сызге ссылка жыберем. Сол ссылка аркылы сайтка кырып тыркелесыз , глобус приложениесын телефонынызга жазып алып почтанызга келген логин жане парольды енгызесыз ⌨. Жумыс орнынызга кош келдыныз! ‍‍
    2) куныне бырнеше рез кырып рекламага «подробнее» сосын ❌ басамыз, финансы болымын тексеремыз, акшаныз кобейды ма?) оте жаксы, жумысты жалгастырамыз. ‍‍
    3) дал осы арекеттерды кунде ыстейтын адамдарды ‍‍табамыз олар сыздын команданыз болады, команданыздагы адамдардын корып журген рекламадан сыз пайда коресыз! Кызыктырса жазыныз ссылка жыберемын, табыска деген жолынызды дал казыр бастаныз!☺

  10. 19, 21, 22, 23-ші пікір иелері, Сіздер жөнімен пікір жазыңыздар. Егер балаларыңыздың, туыстарыңыздың, немерелеріңіздің беті ашылып, көргенсіз, ұятсыз, арсыз, бұзылған болғанын қаласаңыздар Шәкәрім мен Аман секілділердің арсыз хабарларын көрсете беріңіздер, көре беріңіздер. Бұлар ұрпақты тәрбиелейін деп емес, бұзайын, хабарымның атын, өзімнің атағымды шығарайын дегенді мақсат тұтқандар. Бұл ойды Тасығанның өзі дәл осылай деп сұхбатта мойындаған. Бұлар жас ұрпақ тәрбиесіне түкіргендер, жас буынның санасын улаушы, кесепаттар, қиянатшылар, Қазақтын жанын қорлаушылар. Өздерін арлы азамат болса деп армандап, өсіріп-тәриелеген Ата-аналарын мазақ қылғандар, арын табанға таптаған жетесіздер. Ата-ана ұятын ойлаған адамдар ешқашан бұлай істемейді. Бұлар жас ұрпақ алдында кешірілмес күнә жасаушылар. Жаным күйіп кетеді осындайларға.
    Сәкен Майғазиев, алған беттеріңнен қайтпай, қиянатшыларға қарсы қимыл жасауды қарқындатуларыңды өтінемін!

  11. Ойбай,жұдырық түю,тылақ шығару,жақ айыру,бұл не өзі,рингпе.
    Бірінен-бірі өткен небір сорақылықтарды естіпте,көріпте етіміз үйреніп кетпесек болды.
    Бұрынғы әнші апа-аталарымыздың мәдениеті,деңгейі қандай еді!
    Жақ айыратын жұдырығы өзінің тұмсығына тиіп кетіп,талпақ танау болып қалмауды ойлансай.

  12. Өз-өзімізді кемсітіп, келеке қылудан, әжуалаудан, кемсітуден алдына жан салмайтын, ана тілін айақ асты етіп,ернін тесіп, мұрнын тесіп, енді келіп мынау мүлдем қалаусыз бағдарламаны ашып! Одан да ата дәстүр: атастыру, құда түсу, қыз көру, т.с.с тәрбиелігі мол хабар түсірмей ме, қайдағы бір бір сәттік – ойнастық нәрсені насихаттамай! Қай журналист те пиар іздеп, баян сықылдыны күнде шығарады эфирге де, желіге де – онсыз да қалт-құлт жүрген қыздарымызды «түрлі жүрістерге» баулып! Ел болу жағын, отбасы тәрбиесін, не жақсы, не жаман дегенді ажыратуға үйрету орнына!

  13. сакен жастармен алыспа .недеген намыс.сен озин кимсин казактар сенен акыл сурамасын сен карменовтын аруганын астында каласын баласымен алыспа.ол жасгои каита котерсенши.косемсимеи.акылга кел баурым.

  14. сакен бауырым сен недеген намыс откен жылы жас балалар 91-тобына тас лактыргансын биыл жас журналистерге не болган баурым * онсызда жастар жарып шыгады аягынан тартпа оз басым жастарга сенемин.жасырмаи ашык жастардын бугинги беинесин корсетип жаттыр бул тарбие .оган шаршама баурым..алде коре алмаисынба .казактын тубине осылар жеткен озинде жас болдынгои артына кара баурым.

  15. Оте дурыс айтасыз калаулымнын кереги жок кай заманда болып еди казактын кызынын куйеу издеп келгени миллиндаган халыктын алдына уялмай он екиде бир гулдери ашылмай

  16. Дұрыс! Осындай елім деген азаматтар жабылып тоқтау салса, жабылмай қайда барады. Пікірін ашық білдіріп, халықтың қамын жейтінін дәлелдеді.

  17. Жәнібек ағаның баласы-ау,оданда ана қыз-жігіттерге көркем сөз оқытып,білім жағынан жарыстырмайсыңба.
    Қайдағы бір жерде жатқан тақырыпты қайдан ған тауып алдыңдар.
    Сайысса,білімі мен біліктілігімен сайыссын,сырын,жырын айтсын,қатысушылары да қарапайым жастар болсын,ашыла алмай жүрген қыз-жігіттер баршылық,жөн-жосығын таппай жүрген.

  18. Жарайсың Сәкен! Жалпы тіл мен жаққа сүйенген, аузын бассаң арты сөйлейтін білімсіз, қатын сияқты , армия көрмеген сүмелек журналистердің аузы-мұрнын қан етіп ұру керек.

  19. Рахмет,сізге Сәкен. Елін жақтаған жігітті қыз жақтайды деген.Мен осы «Қалаулым»бағдарламасын ұнатпаймын.О,заманда,бұ заман қай ата-бабамыз қыздарын арнада таныстырып,қосқан еді.бірін-бірі сүйген жандар өмірде бірін-бірі құдай табыстырады.Мына ойын не ойын.Қазір қосылады,2 айдан кейін ажырасады.Аша Матайдың даңқын шығару үшін бе?Бұл бағдарлама біздің менталитімізге,әдет-ғұрпымызға жат нәрсе.Мүмкін,біреулер бізбен дауласар заманнан кейін қалған деп.Бірақ отбасылық жағдайға,жаңа отбасы құру мәселесі өте нәзік нәрсе.Сондықтан бұған арнадағы жандар,танымайтын өзгелер емес.Екі жастың отбасы мен ата-аналары ойласып шешетін,жастардың жүрек қалауымен шешілетін мәселе.Осы бағдарламаны түбірімен жою керек.Бізге Осы Сәкен сияқты шындықты айтатын адамдар бірігіп жастардың сана сезімін улайтын жат әрекеттерді насихаттайтын бағдарламаларды құрту,жаптыру қажет.Әнгшілердің бәрі бірдей емес,шынында әні жоқ,атағы зор әншілерден шаршадық.Осындай әншілерді сахнадан аластау керек.Ал Сәкен,Мирамбек,Димаш секілді әншілер ел қалаулысы,халқымыздың біртуар азаматтары деп санаймын.

  20. Сəкен мырза турасын!!! Өте дұрыс. Заманға сайып барлығын солай жасауға болмайды!!! Ойлан қазақ, Оян қазақ!!!

  21. Сәкенге толық қосыламын! Жүсіп Баласұғын бабамыз:
    » Көз көрмесе, көңіл де тілемес! Көзің ауса көңіл ауу түк емес.»-деген ғой. Қазіргі бағдарлама жүргізетіндер жастардың көңілін қайда аударып жатыр?… Шетелге еліктеген журналистсымақтар ұлт тәрбиелеп жатырмыз деп ойлайтындай. Олар ертеңгі өз ұрпағына ор қазып жатыр!

  22. сәкен айтуын дурыс қой бірақ баян ды жағын алып сөйлемей ақ қойсан болады ол қазақтың масқара болған адамы ел қолдамайды оны негізі ел алдына шықпаса тіптен жақсы ондай әйелдер қалаулым жағынан қолдаймын айтуыңды

  23. Жазушы жоқ,ақын жоқ,кілең жағымпаздар,есесіне әншілер,сәншілер,тойшылар,тұсау кескіштер,қыз ұзатқыштар итпырапсыз.
    Әншілер мен депутәт,әкім,шенеуніктердің тасы өрге домалап тұр.қазір кішкентайлардан өскенде кім боласың десең,әнші болам,президент болам дейді,соған әке-шешелері қарық болады.міне жеткен жетістігіміз,арманның шыңы.70-ші жылдары,екі жыл ауылда жұмыс жасамасаң жоғары оқу орындарына түсе алмайсың деген бастама шығып,шопан болып,қой өсірем,отгон уважаааю деп,комсомол-жастар бригадасын құрып,бам-ға барамын деп шабылған еді.ендігісі мынау,ербеңдеп сахнаға шығып шыңғырасыңба,шіңкілдейсіңбе,барқылдай-сыңба,қорсылдайсыңба,аузыңды ашып-жауып ыңырсып-сыңсисыңба,әйтеуір ақша-пұлың болса болғаны,жұлдыз болып,жұлдызша қылып шығарады.

  24. Бәрекелд!Сәкен бауырым, рахмет, Еркексің, тағы да рахмет! Алланың ризалығын тілеймін!

  25. ҚАЗАҚТЫҢ НАМЫСТЫ ЖІГІТТЕРІ БАР ЕКЕН ҒОЙ, БАСЫМЫЗДЫ, ҚҰЛАҒЫМЫЗДЫ, КӨЗІМІЗДІ ҚАЙДА ТЫҒАРЫМЫЗДЫ БІЛМЕЙ ЖҮРМІЗ, ТЕЛЕАРНАЛАР ҚҰРЫДЫ, ҚАРАЙЫН ДЕСЕҢ НЕ САПА ЖОҚ, НЕ САНА ЖОҚ БІРДЕҢЕЛЕР, КИНО ДЕЙТІН ҚАЗАҚ КИНОСЫНЫҢ ДА ҚҰНДЫСЫН КӨРМЕГЕЛІ ҚАШАН, ТАЛҒАМСЫЗ, САНАСЫЗ ДЕП САНАЙ МА ЕКЕН ХАЛЫҚТЫ. СҰМДЫҚ, МАСҚАРА, НЕ БОЛДЫҚ, ҚАЙДА КЕЛДІК, ЕНДІ БҰЛ БОЛОТАДАН, БАТПАҚТАН БАСЫМЫЗДЫ КӨТЕРЕ АЛАМЫЗ БА ЖОҚ ПА?

  26. Алла разы болсын.
    Бар екен ғой батыл жігіттер ақты ақ ,қараны қара деп айтар

  27. Азаматсың, СӘКЕН МАЙҒАЗИЕВ!
    Сені өмірге әкелген Ата-Анаңа мың алғыс!
    Ұрпақтың болашағын ойлайтын өзің секілді нағыз Азаматтар көп болып, азғындарға, ұлтты бұзушы қаскөйлерге қарсы іс-әрекеттерің белсенді болсын деп тілейміз!

Пікір жазу

Пікіріңізді енгізіңіз!
мұнда сіздің атыңызды енгізіңіз