Төрт жігіттен басқа мәселе қалған жоқ па?

MYISLI

Дүкеннен келдім. Дүкеннен зат емес, ой сатып алып шықтым. Дүкенші жігіт:

-Аға, сіз журналиссіз ғой.

-Иә, айналайын!

-Бір нәрсе сұрайын деп едім.

-Сұрай ғой.

-Әнебір 91 деген топты білесіз ғой.

- Еее, әнебір төрт жігіт пе?

- Қыздар сияқты төртеу. Естідіңіз ғой, бірнеше қалада олардың концертін болғызбай тастады. Біз де соларға қарсы жиналып, бірдеңе жасайық деп жатырмыз. Қалай қарайсыз?

Картинки по запросу 91 тобы

- Ешқалай қарамаймын. Бәріңнің жінігіп қуалап жүргенің төрт жігіт пе? Айналдырған төрт жігіт. Одан басқа елдік, ұлттық мәселе қалған жоқ па? Жер мәселесі , ел мәселесі, шекара дегенде тура осылай алып-ұшпайсыңдар. Барлық биік ойларың төрт жігітпен күресуге жетсе - мен не айта аламын? Алдарыңа сол төртеуін салып алып қуалаңдар.

- Жоқ, аға, жер, ел мәселесінде де үнсіз қалмаймыз. Бірақ, мыналардікі - тіпті енді.

- Ойларың жеткенін істеңдер.

Ой сатып алдым. Ұсақ ой. Майда. Ұлтымды жініктіріп тұрған ең үлкен мәселе қазір осы екен. Алдым, қайтем енді?

Серік Жанболат,

Фейсбук парақшасы