"Ұйықтап отыр": Қаржы министрі қаржыны күзетемін деп әбден шаршаған ба?

Кәсіпкерлік туралы заң қызу талқыға түскені сонша, келесі құжатты таныстыруға кезегін күткен Қаржы министрі Бақыт Сұлтанов көзін жұмып алып терең ойға батты. Соған қарағанда бизнес мәселесі ел қаржысына қатысты емес сияқты.

Бұл туралы 31 арна хабарлады.

Ұлттық экономика министрі депутаттардың сауалына жауап беріп қиналып жатқанда әріптесі үкімет өкілдерінің күту залында уақытын осылай өткізді. Министр ел қазынасын қалай толтырамын деп жарғақ құлағы жастыққа тимей жұмыс істеп шаршаса керек. Бірақ, қазір үкімет өкілдеріне «шаршадым» деп айтуға болмайтын сыңайлы.

“Шаршаған жоқпын, ойланып отырғам”, – деп жымиды министр сұрақ қойған журналистерге.