Бишімбаевтың ісіне қатысты жаңа дерек шықты

Қуандық Бишімбаевтың ісіне қатысты жаңа дерек жарияланды деп хабарлайды КТК арнасы.

Бұрынғы Ұлттық экономика министрі бюджет ақшасын жымқырып қана қоймай, қызметін де ақылы түрде пайдаланған дейді тергеушілер. Яғни, теңгесін төлегендерге министрлік тарапынан қолдау жасап, тіпті заңсыз істерге дейін көрмегендей сыңай танытқан.

Жемқорлыққа қарсы ұлттық бюро олардың нақты кім екенін әзірге ашып айтқан жоқ. Белгілісі, заңды белшеден басқан экс-министрге қатысты тағы бірнеше бап бойынша іс қозғалған.

Айта кетейік, Қуандық Бишімбаев «Бәйтерек» холдингін басқарған кезде Қызылордадағы шыны зауытының құрылысына бөлінген қаржының миллиард теңгесін қалтаға басты деп айыпталуда.

Бірақ ұлттық бюро, Бишімбаев қолды қылған ақшаның көлемі тағы артуы мүмкін деп отыр. Экс-министрдің өзі қазір тергеу изоляторында жатыр.