Дәурен Абаев: Министрлердің «тұмшаланып» жүретін уақыты өтіп кетті

3
4108

ҚР Ақпарат және коммуникациялар министрі Дәурен Абаев Алматыда өткен IX «Медиа құрылтайда» шенеуніктерге «БАҚ-тан «тұмшаланып» жүретін уақыты өтті» деп ескертті деп хабарлайды Қамшы порталы.

«Ханымдар мен мырзалар, мемлекеттік органдардың жабық болған мезгілі өтіп барады деп сіздерді сендіре аламын. Сіздер де, біздер де қазіргі уақытта мемлекеттік органдардың тиімділігі оның БАҚ-пен байланысымен анықталатын болатынын жақсы түсінеміз. Бұл — қазіргі уақытта бар міндетті талап. Сондықтан, меморган жабық болған, министрдің жабық болған уақыттары өтіп барады. Бұл — қалыпты үрдіс», — деді министр өз сөзінде.

Келесі жылы медиа нарық және оның қатысушылары туралы ақпарат жарыққа шығатынын ескерте кететінін ескерте кеткен Абаев: «Ештеңе де құпия емес. Біз қанша БАҚ бар екенін, қайсысы қай салада жұмыс жасайтынын жақсы білеміз. Біз де, сіздер де біздегі сан жағынан көп БАҚ-тың жартысы жұмыс істемейтінін немесе тек қағаз жүзіне ғана бар екенін білеміз», — деді.

Бұған дейін Қазақстанда түрлі мәселелерге байланысты журналистер шенеуніктерді, депутаттарды сөзге тарту үшін арнайы хат жазып, апталап күтетін.

Тіпті «ұстап алып жатса да» қаша жөнелетін шенеуніктер жеткілікті. Биылғы жылдың көктем айларында жер мәселесіне байланысты президент үн қатқанға дейін танымалы және аты-жөнін ешкім білмейтін депутаттар камерадан қашып жүрді.

Ал, Ішкі Істер Министрі Қалмұханбет Қасымов ылғи да журналистерден қашып жүретінімен танымал.

3 ПІКІРЛЕР

  1. Бұл министр бәрін орысшаландырып жіберді. Қазірден бастап бәрін қазақша сөйлеуге үйретпесек және ақпараттардың көбісін қазақ тілінде халыққа жеткізбесек. онда қай мемлекетте тұрып жатқаның белгісіз болады. Мысалы Орталық коммуникация қызметтіне келген брифинг беретін чиновник басын сәл қазақша бастайды да қалған баяндамасын орысша айтады, бұл не министр мырза, мазақ па?

  2. …Ал, Ішкі Істер Министрі Қалмұханбет Қасымов ылғи да журналистерден қашып жүретінімен танымал…
    Ұрының арты қуыс деген бар емес пе…
    Ал адал жандар қасқайып ашық жүреді…

Пікір жазу

Пікіріңізді енгізіңіз!
мұнда сіздің атыңызды енгізіңіз