НАЗАРБАЕВ: ОСЫ КҮНДЕРІ АРЫ КЕТСЕ 3-4 САҒАТ ҰЙЫҚТАЙМЫН

14
6454

Мемлекет басшысы тығыз жұмыс кестесі жайлы айтып берді, – деп хабарлайды Tengrinews.kz тілшісі.

«Мен қызмет үстінде жүрмін, бұл менің жұмысым, сондықтан да жұмыстан, жауапкершіліктен шаршамаймын. Бұл халқымның, елімнің алдындағы жауапкершілік. Өзге елдерге барғанда басқа уақыт белдеуіне өту өз алдына. Бір байқағаным, батысқа барғанша, шығысқа бару оңайырақ. Әрине, шаршап, ұйқы қанбайды. Осы күндері ары кетсе 3-4 сағат қана ұйықтап жүрмін. Ерте жатсам да, ұйқы жоқ. Бұл бір жағынан жақсы да шығар – бейімделудің қажеті болмайды, өз уақытымызда қаламыз. Ми үнемі жұмыс істеп тұрады, күрделі келіссөздер жүргізу керек, оның нәтижелі болып аяқталуы маңызды. (…) Әлем ісіне, ядролық қарудан бас тарту ісіне адал болуымыздың арқасында көптеген елдің құрметіне ие болдық, сондықтан шаршамаймын», – деді Мемлекет басшысы Сеул қаласына жұмыс сапарының қорытындысы бойынша брифингте.

Оған қойылған сұрақтың мәні Президенттің екі бірдей сапарды қалай жасайтыны, осындай тығыз жұмыс кестесіне қалай шыдайтыны жайында еді.

Ол Президент әрдайым сергек болуы керек деп есептейді.

«Командир ақбозатымен әрдайым алда, әрі сау жүруі керек, президенттің жұмысы осындай, жұмысқа өзіңді арнауың керек, бар уақытыңды, денсаулығыңды арнайсың, жұмыстан тыс уақытта да. Осылай ғана тапсырылған міндеттерді орындай аламын», – деді Нұрсұлтан Назарбаев.

Сондай-ақ, Мемлекет басшысы сырқаттанып қалған кезінде қолдау білдіргендерге алғыс айтты.

«Бір ай бұрын менің суық тиіп сырқаттынып қалғаным жайлы халыққа айтқанда мен қазақстандықтардың мыңдаған тілектерін оқып шықтым. Осы сәтті пайдалана отырып Интернетте, сайттарда жазылған, блогерлердің жазған тілектеріне және барлығына алғыс айтамын. Суық тиіп сырқаттанып қалғаным жайлы айтуға тура келді, себебі халықаралық сапарларды – Әзірбайжан мен Арменияға жоспарланған сапарымды кейінге шегеру керек болды. Себебі адам дене температурасы мен жөтел бола тұра, бір жаққа бара алмайды ғой», – деді ҚР Президенті өз сөзінде.

14 ПІКІРЛЕР

  1. Ия, дұрыс айтасын. Біз қаншама елдермен ыңтымақтастықта болсақ та, солармен арада жасалған келісімдердің барлығын орындау кейде бола бермейді. Соның тігісін жатқызып, арадағы жақсы қарым-қатынасты сақтау қалу тек өрелі ердің ғана қолынан келеді…

  2. Көбінесе біз сыртқы факторларды ескере бермейміз. Ірі көршілеріміздің қысымының өзі неге тұрады. Осы жағын бір ойланып көрдік пе?

  3. Көбіне жамандап жатқандарды көргенде ойлаймын, соны айтқан адамға берсе атқара алар ма еді, бір елдің ішінде отырып алауыздық тудырғысы келіп отқандардың өзі қаншама??

  4. Елбасы болу отбасы және басқа да құндылықтарды ысырып қою сияқты ғой, бүкіл өмірін елге арнау. Әрине оңай емес…

  5. Қазақстанның ішкі нарығы мен экономикасын аяққа ұрғызып, елге инвестиция тарту үшін күн демей, түн демей жұмыс жасап жатқанына рахмет.

  6. Еңбек ете білген адамға Алланың сыйы көп. Ұйқы дұшпан. Елбасының бұл қағидасы маған ұнап отыр. Десе де өзіне күтім жасауды қойып кетпесе екен.

Пікір жазу

Пікіріңізді енгізіңіз!
мұнда сіздің атыңызды енгізіңіз