Атышулы Тоқтар Төлешов Қазақстанның вице-Президенті болғысы келгенін айтты

82
1986

Тоқтар Төлешов өзіне тағылған айыптардың алдын мойындай бастады деп хабарлайды КТК арнасы. Атышулы «сыра королінен» бүгін Макс Боқаев пен Талғат Аянның сотында жауап алынған болатын. Билікті төңкеруді көптен көксеген қалталы кәсіпкер, осы ойын іске асыру үшін жер сатуға қарсылық білдірген халықты пайдаланбақ болғанын айтып отыр.

Картинки по запросу тоқтар төлешов

Сөйтіп, жаппай митинг ұйымдастыру үшін Аянға ақша бердім дейді. Бірақ, «әлеуметтік араздықты қоздырды» деп айыпталып жатқан жігіттердің өздері Төлешовтың сөзін жоққа шығарды.

Тоқтар Төлешов Макс Боқаев пен Талғат Аянға қатысты сотқа қатысу үшін Атырауға аптыға жеткен жоқ. Астанадағы Есіл аудандық сотының ғимаратынан ғаламтор арқылы байланысқа шықты. «Сыра королін» куәгер ретінде сотқа алдыруды талап еткен адвокаттар мен прокурорлар оны ә дегеннен-ақ сұрақтың астына алды.

Сан сауалға саспастан жауап берген ол өзіне арнап елімізде вице-президент деген лауазымды енгізуді мақсат еткенін мойындады. Және ол үшін «Жер кодексіне» енгізілетін өзгерістерді өз мүддесіне пайдаланбақ болған. Сөйтіп, халық ішінен идеясын жүзеге асыратын Талғат Аянды таптым дейді. Ал Макс Боқаевтың есімін бірінші рет естіп тұр екен.

«Боқаевпен таныс емеспін, көрген де емеспін, тіпті телефонмен де сөйлескен жоқпын. Бірақ Жер кодексіне енгізілген өзгерістер оны да мазалап жүргенін біліп, баспасөз мәслихатын, митинг, көпшілік шаралар өткізуге дайын екендігін білдік. Ол үшін арадағы адамдар арқылы қаражаттың қажет екені айтылды. «Қанша» дегенде бастапқыға 150000 доллар деді. Мен 100000-ды таныстарым арқылы беріп жібердім», – дейді куәгер Тоқтар  Төлешов.

Бірақ бейбіт шеруде белсенді ретінде көзге түскен Талғат Аян мұның бәрін жоққа шығарып отыр. Ол екі ортада делдалдық қызмет еткен адамды ашып айтуды өтінді. Бірақ Төлешов оның Атырауға белгілі азамат екенін, жеке басына қауіп төнетіндігін ескертіп, атын атаудан үзілді-кесілді бас тартты.

«Маған қысым көрсетіліп отырған жоқ. Біреуден қорқатын да жаста емеспін. Менің амбицияммен, менің жеткен жетістіктеріммен ештеңеден де қорқудың қажеті жоқ деп ойлаймын», – дейді Тоқтар Төлешов.

Төлешовқа Атырауда ереуіл ұйымдастыру ойы былтыр күзде келіпті. Ал өзі 30-шы желтоқсан күні кісенделіп кете барған. Осыдан соң Талғат Аян митинг ұйымдастырудан бас тартқан деп топшылапты. Тіпті Төлешов әлдекім арқылы жіберген қаражатына қадағалау жүргізуді де қойған. Айта кетсек, Шымкент сыра зауытының иесінің өзі қазір 16 бап бойынша айыпталып, сот алдында жауап беріп жатыр.

82 ПІКІРЛЕР

  1. мына толешов жер сатылсын деп журген арамтамактардан мын есе артык жан екен жердин сатылганын каламадым казирде каламаимын деген абай кз жазган .патриот оз елинин сонша акшаны берипти (шын болса) маган бир куантатыны казах жерин арамтамактар болисип алмаганы аян алдыма алмадыма бул енди уакыт корсетер бырак бизде ..?

  2. Елдің тыныштығы мен жердің бүтіндігіне ештеңе жетпейді Ең бастысы соның қауіпсіздігіне еңбек етейік тәуелсіздігіміз баянды болсын

  3. Қазақтар, алдағанға ермей сөзге алданбай еңбек еіп, тәуелсіздігімізті тұрақтандыруға үлес қосқан жөн болар

Пікір жазу

Пікіріңізді енгізіңіз!
мұнда сіздің атыңызды енгізіңіз