Түймебаев жаңа қызметін ақындарға құрмет көрсетуден бастады (ФОТО)

Оңтүстік Қазақстан облысының әкімі қызметіне кіріскен Жансейіт Түймебаев жаңа жұмысын ақын Мұхтар Шахановпен бірге Шәмші аллеясындағы қазақ вальсі королінің ескерткішіне гүл шоқтарын қоюдан бастады.

Бұл туралы Rgmedia.kz порталы хабарлайды.

Облыс әкімі Шәмші Қалдаяқов атындағы «Арыс жағасында» VII ретро-фестиваліне арнайы келген ақындар Мұхтар Шаханов пен Исраил Сапарбаевқа, әнші Нұрғали Нүсіпжановқа оқалы шапан кигізіп, қазақ вальсі королінің жесіріне сый-сияпат жасады.

Сонымен қатар облыс әкімі VII Шәмші Қалдаяқов атындағы «Менің Қазақстаным» Халықаралық ән байқауының жеңімпаздарын салтанатты түрде  марапаттап, оларға сый-сияпат табыс етті.