Отандық журналист Исекешевті «өтірікші» деп атады

2
1355

Астана әкімі Әсет Исекешев жаңа қызметін өтірікпен бастады. Танымал журналист Дина Елгезек Астананың жаңа әкімі туралы осындай пікірде деп жазады skifnews.kz.

АСТАНА ӘКІМІ ӘСЕТ ИСЕКЕШОВ

Оның айтуынша, Әсет Исекешев министр кезінде де күмән тудыратын деректерді жариялап келген. Бұл туралы ол өзінің Facebook парақшасында мәлімдеді.

«Телемост кезінде президент кнопканы дыз еткізіп басады… Қалғандары айғайлап тұрып зауыттарды ашады… Жарты жылдан кейін әлгі зауытқа барсаңыз, ду айғайдың бу айғай екенін ұғасыз… Исекешов министр болғалы бұндайдың талайын көрдік… «Қазақстанда осыншама жұмыс орны ашылды, мынанша зауыт іске қосылды» деп телекөпір кезінде нөпірлетіп берілген ақпарды да Статистика агенттігінің мәліметімен тексеріп шығуға болады… Телекөпірдің көпіртіп берген біраз өтірігі анықталары сөзсіз…», – дейді Дина Елгезек өз жазбасында.

Оның айтуынша, Астана әкімі жаңа қызметін де жұртты алдаудан бастапты. Мәселен, елорда тұрғындары санының 1 миллион адамға жетуі ақылға мүлдем қонымсыз статистика көрінеді.

«Исекешов екінші лауазымды қызметін тағы өтіріктен бастады… Астана қаласында миллионыншы тұрғын дүниеге келді деп елді бір шулатты… Ресми статистика бойынша, 880 мың адам тұрады… Өткен жылы қалалықтар саны 20 мыңға көбейген… Сонда деймін-ау, жарты жылда астаналықтар 120 мыңға қайдан көбейе қойған… Әлде президенттің туған күні қарсаңында өтіріктен құралған сыйлықтарды таратып жатқан түрлері ме екен?! Ел алдында бұл жолы өтірігі өтпеді» дейді журналист.

Естеріңізге салайық, шілденің 3-нен 4-не қараған түні Астананың №1 перинаталдық орталығында елорданың миллионыншы тұрғыны дүниеге келген болатын. Қала әкімі Әсет Исекешев жас отбасыға екі бөлмелі пәтердің кілтін табыстады.

2 ПІКІРЛЕР

  1. Основная статья: Население Астаны
    Численность населения города, по данным КазСтата, на 1 мая 2016 года составляла 880 191 человека, при этом за январь-апрель 2016 года наблюдалась небольшая миграционная убыль населения (112 чел.), весь прирост населения города за этот период формировался за счёт естественного прироста (7 684 чел.)[1]. Однако 4 июля 2016 года было официально объявлено о том, что родился миллионный житель Астаны, о чём сообщил Акимат Астаны[2], а также президент Казахстана Нурсултан Назарбаев[3]. Двумя годами ранее, 5 июля 2014 года, прежний аким Астаны уже заявлял о том, что население города превысило 1 млн. человек, тогда как по официальным данным оно составляло 820 тыс. жителей[9].

  2. Жалпы Астана халықының тұрғындар саны 1 млн. болып қалды, тіркеусіз тұратындар бар …. Бірақ бұл мәлметті ресми түрде жариялау , бүкіл статистикалық мәлметтерге деген халықтың сенімсіздігін арттырды. Бір күнде 120 мың адамды қоса салса, мал басының саны, егістік көлемі туралы мәлметтердің сапасы туралы сөз қозғау орынсыз шығар ….

Пікір жазу

Пікіріңізді енгізіңіз!
мұнда сіздің атыңызды енгізіңіз