Атамқұлов "ылғи Астанамен байланыста"...

ОҚО әкімі ауқымды шара кезінде телефонын ұстап сыртқа шығып кету себебін түсіндірді деп хабарлайды NUR.KZ.

Шымкентте көпшілік көптен күткен көркем гимнастика кешені пайдалануға берілді. Жоспар бойынша қараша айында ашылуы тиіс нысан кешіктіріліп есігін айқара ашса да, бүгіннің өзінде мұнда жаттығушы жас гимнастшылар аз емес.

Кешеннің ашылу рәсіміне қатысқан ОҚО әкімі Бейбіт Атамқұлов  қайта-қайта телефонымен сыртқа шығып, көпшіліктің ызасын тудырды.

Артынша аймақ басшысы ол әрекетінің себебін түсіндіріп берді.

«Айып етпеңіздер, жұмысқа байланысты жиналысқа баруым керек. Ылғи Астанамен байланыстымыз ғой… Сіздердің алдарыңызда ғана еліміздің Білім және ғылым министрімен бірге Студенттер үйінің ашылуында болдым. Қазір он бес минуттан соң тағы жиналысқа баруым керек», – деді Атамқұлов.

qazaquni.kz