Қ. Тоқаев: Елбасы айқындаған міндеттерді орындау үшін бар күш-жігерімізді саламыз

Сенат Төрағасы Қасым-Жомарт Тоқаевтың жетек­­­­ші­лігімен палатаның кезекті жалпы отырысы болып өтті. Отырысты ашқан Төраға Елбасының Қазақстан халқына арнаған Жолдауы – ел өміріндегі аса маңызды саяси оқиға болғандығын, сондай-ақ, Президент әлемдік экономика мен геосаясатта қалыптасқан күрделі ахуалға кеңінен талдау жасап, жаһандық сын-қатерлерді табысты еңсерудің тура жолын көрсетіп бергендігін ерекше атады.

­­­– Әлем елдері жаһандық дағда­­­рысқа төтеп беру үшін барынша талпыныс жасап жатқан кезде Елбасы ұсынған бұл стратегия­ елімізді дамытудың жаңа дең­гейіне көтеруге бағытталған нақ­ты бағ­дарлама. Экономикалық өсім, табыс­ты рефор­малар және тұрақты даму – біздің ке­шенді жоспарымыздың басты мақсаттары болмақ. Осы ретте, Пре­зи­дент таяу уақытта жүзеге асыры­луы тиіс бес ауқымды міндетті айқын­дап берді, – деді Қасым-Жомарт Ке­мелұлы.

Сондай-ақ, ол қаржы секторын  тұрақтандырып, бюд­жет саясатын оңтайландыру ­қа­жет­тігіне де назар аударды.

– Біз­дің ор­тақ міндетіміз – бюджет қара­­жа­тын мейлінше үнемдеу.

Елбасы айтқандай, бюджет шығындарын үнемдеу­ден босаған барлық қаржы, ең алдымен, халыққа нақты нәтижелер әкелетін жобаларға жұмсалуы тиіс. Президент жекешелендірудің жаңа легін өткізуге және экономикалық бәсекелестікті одан әрі дамытуға айрықша назар аударды, – деп атап көрсетті палата Төрағасы.

Қазақстан жекешелендіруге шетелдік инвесторларды кеңінен тартуға мүдделі. Ол үшін тиісті заңнамалық негіз жасалуы қажет. Сонымен қатар, Мемлекет бас­­шы­сының бәсекелестік ортаны және моно­полияға қарсы қызметті күшейту мәселесіне ерекше мән бергендігі қаперге салынды. Ха­лық­тың әл-ауқатын жақсарту, елдің инвес­­тициялық ахуалын жетіл­­діру – Ел­басы әрдайым баса назар аударып келе жатқан іргелі мәселе­лер екендігі, дағдарыстарға қа­рамас­тан, халықты әлеуметтік қол­дау ша­ралары үздіксіз жалға­сып келе жатқандығы ерекше аталды.

– Мемлекет басшысы ұсынып отырған жаңа әлеуметтік саясаттың түпкі мақсаты жоғары сапаны қамтамасыз ету және нақты мұқтаж адамдарға атаулы әлеуметтік қолдау көрсету. Басқаша айтқанда, бұдан былай мемлекет әлеуметтік салада әлсіз қорғалған азаматтарды қолдауға және адам капиталын күшейтуге барынша ден қоятын болады, – деді Қасым-Жомарт Кемелұлы.

Төрағаның айтуынша, Президенттің жұмысшы кәсібінің беделін көтеру туралы бастамасы аса өзекті және де «Баршаға арналған тегін кәсіптік-техникалық білім» бағдарламасы еңбек нарығын білікті жұмыс қолымен жеткілікті деңгейде қамтамасыз ете алады.

Қ.Тоқаев палата алдында жауапты жұмыстар тұрғандығын айта келе, әріптестерін мемлекет басшысы айқындаған маңызды міндеттерді табысты орындауға шақырды. «Құрметті әріптестер! Елбасы айтқандай, «Бүгінгі ахуал біздің жетістіктерімізді сынға салып, елдігімізді шыңдай түсетін уақыт тезі. Біріміз – бәріміз үшін, бәріміз – біріміз үшін деген қағиданы ұстанып, еңбек етуге тиіспіз. Алдағы уақытта біз Елбасы айқындаған маңызды міндеттерді табысты орындау үшін бар күш-жігерімізді саламыз деп мен кәміл сенемін», – деді палата Төрағасы.

Бұдан кейін сенаторлар Мемлекет басшысы ұсынысын негізге алып, 32 жаңа судьяны Жо­ғарғы Соттың құрамына сайлау мәселесін қарады. Қазақ­стан Президенті Әкімшілігі Басшы­сының орынбасары – Жоғары Сот Кеңесі төрағасының міндетін уақытша атқарушы Талғат Донақов өз сөзінде үш сатылы сот жүйесі жұмысы басталатындығына ерекше назар аудартты. Оның келтірген мәліметіне қарағанда, Жоғарғы Сот судьяларының жүктемесі жылына 20 мың істен асады. Сондықтан да Елбасы Жар­лығымен Жоғарғы Сот судья­ларының саны 32 бірлікке кө­бейіп, 33-тен 65-ке дейін артып отыр.

Сондай-ақ, жалпы отырыс барысында Көлік құралы және өзі жүре­тін машина мен техниканың басқа түрлері паспортының бірың­ғай нысан­дарын енгізу және элек­трон­ды паспорттар жүйелерін ұйым­дастыру туралы келісім ратифика­цияланды. Негізінен, 2015 жылдың 15 тамызында Мәскеуде қол қойылған бұл келісім Кеден одағының бірыңғай кеден аумағында көлік құралдарының еркін жүруін қамтамасыз етуге бағытталған. Аталған заңдық құжат Қазақстан, Беларусь және Ресей аумақтарында шығарылған және осы мемлекеттерде тіркеуге жататын көлік құралдары паспор­тының бірыңғай нысандарын қолдану мәселелерін реттейді.

Сонымен қатар, кешегі отырыс­та «Қазақстан Республикасының кейбір заңнамалық актілеріне спорттық және спорттық-бұқара­лық, ойын-сауық мәдени-бұқа­ралық іс-шаралар өткізу кезінде қауіпсіздікті қамтамасыз ету мә­селелері бойынша өзгерістер мен толық­тырулар енгізу туралы» заң жобасы бірінші оқылым­да қолдау тапты. Аты айтып тұр­ғандай, спорттық және спорт­тық-бұқаралық, ойын-сауық, мә­дени-бұқаралық іс-шараларды ұйымдастыру және өткізу ереже­лерін реттейтін құжат Әкімшілік құқық бұзушылық туралы кодекске, «Мәдениет туралы», «Денешы­нықтыру және спорт туралы» заң­дарға түзетулер енгізуді көздейді.

Бұл ретте, заңдық құжат жергілікті атқарушы органдардың бұқаралық іс-шараларды өткізуге қатыстырылған ұйымдардың қызметін үйлестіретін ұйым­дас­тыру комитеттерін құру­ды қарастырады. Ұйымдас­ты­рушыларға іс-шараға қатысатын көрермендердің болжалды саны туралы, сатылған билеттердің, тұрақ орындарының саны туралы жергілікті атқарушы органдарды уақтылы хабардар ету жөніндегі міндеттер жүктелген. Және де азаматтардың қауіпсіздігін қамтамасыз ету мақсатында жеке тұлғаларға іс-шараларға барған кезде тыйым салулар мен шектеулер енгізілгенін де айта кету керек. Мәселен, стадиондарға алкоголь өнімдерін, шыны және металл ыдыстағы және пиротехникалық өнімдерді алып кіруге, адамдар өміріне қауіп төндіретін кез келген заттарды мінбелер мен спорт алаңдарына лақтыруға, әлеуметтік, нәсілдік, ұлттық және діни араздық туғызатын плакаттар мен эмблемаларды пайдалануға тыйым салынады.

Әсіресе, әртүрлі іс-шаралар өткізу барысында жүріс-тұрыс қағидаларын бұзғаны үшін әкімшілік жауаптылық енгізіліп отыр.

Сонымен қатар Сенат Төрағасы Қасым-Жомарт Тоқаев Мұхтар Алтынбаевты 70 жасқа толған мерейтойымен құттықтап, Президент Нұрсұлтан Назарбаевтың сенаторға алғыс білдіріп жолдаған құттықтауын оқып берді.

Қазақстан Республикасының мемлекеттілігі мен егемендігін нығайтқаны, Мемлекет басшысы Н.Назарбаевтың реформаларын заңнамалық тұрғыда қамтамасыз еткені үшін жоғарғы Палатаның басшысы М.Алтынбаевқа Парламент Сенатының Құрмет грамотасын табыс етті.

Мерейтой иесін құттықтаған Сенат Төрағасы Қасым-Жомарт Тоқаев еліміздің әскери-әуе күштерінің бастауларында тұрған М.Алтынбаевтың тәуелсіз Қазақстанның мемлекет құрылысына нәтижелі қатысқанын атап өтті. «Ол мемлекет тарихындағы өте ауыр жылдар болды, бізге әскери саланы құруда тәжірибе де, қаржы да жетіспеді. Дегенмен, біздің Президентіміз – Жоғарғы Бас қолбасшымыз Нұрсұлтан Әбішұлы Назарбаевтың құ­рыштай қайсарлығының арқа­сында Қазақстан армиясы аяғы­нан тік тұрып, мемлекеті­міз ғана емес, Орталық Азия аймағының қауіпсіздігін қам­тамасыз ететінін нақты көрсете алды», – деді Сенат басшысы.

«Мұхтар Қапашұлы әске­ри саланы әлемде қаржы-эко­номикалық сілкіністер болып, халықаралық жағдай шие­ле­ніскен ауыр кезеңде басқарды. Әскери қызметшілер оның кезінде өзіне және бо­лашағына деген сенімге, біздің қоғамымыз тиісті еңбегін жо­ғары бағалайтын лайық азамат ретінде құрметке ие болды. Мұхтар Қапашұлының есімі Қазақстанның әскери және мем­лекеттік құрылысының жылнамасына өшпестей жазылды», – деп атап өтті Сенат Төрағасы.

Біздің еліміздің қорғаныс қабілеттілігін қалыптастыру және нығайтудағы зор үлесі, Отан алдындағы ерекше сіңірген еңбегі, Қазақстанның шет мемлекеттермен әскери-саяси ын­ты­­мақтастығын дамытқаны үшін Мұхтар Алтынбаевқа Ха­лық қа­һарманы жоғары атағы берілді, ол Қазақстанның және басқа да мемлекеттердің орден­дері және медальдарымен бір­неше мәр­те марапатталды. Сенат Төр­ағасы еліміздің Президентінің Отан игілігі жолындағы көп жыл­ғы жемісті еңбегі үшін 70 жасқа толған мерейтойы қарса­ңында сенаторға алғыс білдіріп, жол­даған құттықтауын оқып берді.

Инвестициялар және даму вице-ми­нистрі Альберт Раудың айтуынша, енді Еуразиялық экономикалық одақ аума­ғында қозғалатын әрбір көліктің «элек­трондық паспорты» болуға тиіс. А.Рау оны көліктің «туу туралы куәлігіне» теңеді: өйт­кені әрбір «темір тұлпар» автозауыттан шығар кезде, немесе Қазақстан, Ресей, Бе­ларусь және Қырғызстан аумағында тіркелген кезде, осы құжатты алуға міндетті.

– Бұл электрондық паспорт – әрбір автомобильге өндірілген немесе елімізге әкелінген кезден бастап, утилизация­лан­ғанға дейін ілесе жүретін құжат. Онда нақ­ты бір автокөлікке қатысты барлық ақпарат, оның техникалық сипаттамалары, сәйкестендіру нөмірлері, қожайыны және басқасы көрініс табады. Осы паспорт не­гізінде ғана көлікті жол полициясы орган­дарында мемлекеттік тіркеу және иелеріне тіркеу туралы куәлікті беру жүргізіледі. Ке­лісім бойынша осы паспорттар Кеден одағы елдерінің ортақ электрондық жүйе­сінде электронды түрде рәсімделеді және сақталады, – деді Инвестициялар және даму вице-министрі.

Сейілбек АСАН,

qazaquni.kz