Назарбаев БҰҰ Бас Ассамблеясында қазақ тілінде баяндама жасады

20
4334

Біріккен Ұлттар Ұйымы күн сайынғы, қиын, бірақ қауіпсіздік пен даму үшін баршаға қажетті үнқатысудың бүкіләлемдік мінберіне айналды.

Бүгін БҰҰ Бас Ассамблеясы 70-ші мерейтойлық сессиясының жалпы пікірталасында сөз сөйлеген Нұрсұлтан Назарбаев осылай деді.

Біріккен Ұлттар Ұйымының 70 жылдық мерейтойы тұсында бұл ұйымның негізін қалаушылар оған қандай терең мағына бергені жөнінде ой бөлісу маңызды екендігін атап өткен Мемлекет басшысы ұйымның қазірдің өзінде жаһандық тұрғыдан тарихи мәні бар міндеттерді орындағанын баса айтты.

«Біріншіден, планетамызда адамдар жетпіс жыл бойы дүниежүзілік соғыссыз өмір сүріп келеді. Екіншіден, әлемде аса ауқымды отарсыздандыру жүзеге асырылды. Біріккен Ұлттар Ұйымын 70 жыл бұрын елу бір мемлекет құрды. Ол кезде әлемнің көп бөлігін колониялар мен тәуелді аймақтар алып жатты. Бүгінде әлемдік қоғамдастықта 193 тәуелсіз ел бар. Үшіншіден, Біріккен Ұлттар Ұйымы күн сайынғы, қиын, бірақ қауіпсіздік пен даму үшін баршаға қажетті үнқатысудың бүкіләлемдік мінберіне айналды», – деді Қазақстан президенті.

Мемлекет басшысы адамзат БҰҰ-дан өзінің әралуандықтағы бірлігін, біздің ғажап бірегей планетамыздың тағдырына қатыстылығының ортақтығын сезінетіндігін баса айтты.

«Біріккен Ұлттар Ұйымының негізін салушылар алдағы алыс болашаққа ой көзімен қарай білді. Әлем бүгінде олардың бастамалары мен орындалған арманының жемісін көріп отыр», – деді елбасы.

Дереккөз: ИА «Казинформ»

20 ПІКІРЛЕР

  1. Ел басы қазақша байяанлама жасағаны біздің тілімызлың əлемдік дарежеге енды араласа бастады деген сөз ! Тілімыз таныла берсын!

  2. Сансыз шүкірлік аллаға. Латынға көшті, Қазақтар өз тілімен сөйлей бастады деп қанша жалдап отырған жер болсада орыс қазақ еліне зымыран дəлдеп қырын көрсеткен шығар. оған артында айбынды əділетті қалқа бар көш басшымыз мойымай келеді. əр қашан аман сау ұзақ ғұмыр бақытты өмір кешсін

  3. Ешкім ештеңе түсінбесе -түсінбей-ақ қойсын, бірақ қазақ басшысының өз ана тілінде сөйлегені зор қуаныш. Енді әрдайым осылай болса екен, қалған «сәбилердіңде» тілдері шығар еді.

  4. БҰҰ-ның бас жиынында қазақша сөйлеген Елбасымыздың баяндамасын ағылшыншаға аударма жасайтын аудармашының болмай қалуы бәлкім біздің Сыртқы істер министрлігіндегі дипломаттардың да кемшілігі деп ойлаймын. Олар Президенттің қазақша баяндама қоятынын жиынды ұйымдастырушыларға алдын ала ескертіп, тікелей аудармашы табуға көмектесу керек болған. Бұл менің жеке пікірім.

  5. 8 ұсыныстың 8і де ұтымды. үзілістен соң орысша сөйлеп кетер ма деп едім. Қалай десе де елбасының бұл жолғы сөзі өз басыма ұнады.

  6. Елбасының осы жолғы сөзі жұртты дүр сілкіндіріді. Ана тілінде сөз сөйлеген елбасын мақтан тұтамыз. Сөзі ұтымды ұсынысы маңызды болды

  7. штаб пәтерді Азияда да ашу жайлы ұсыныстың жаны бар. Егер елбасының пікірін құп көріп ашатын болса өзіміздің қазақты отырғызу керек.

  8. Әлем елдерінің басым бөлігін азия халқы құрағандықтан Штаб пәтерді Азиядан ашу мәселесі ұтымды ұсыныс болды.

  9. Шет елде қазақ тілі бар екенін ешуақытта ешбір жан ойламаған ғой, əйтпесе синхронды аударма дайындап қоймайды ма?Дегенменде «ештен кеш жақсы» , сең қозғалып, қазақтың тіліде əлем төрінен орын алуы орынды болды

Пікір жазу

Пікіріңізді енгізіңіз!
мұнда сіздің атыңызды енгізіңіз