Мемлекет басшысы Бекет ата мешітіне барды
2022 ж. 07 қараша
1229
0
![Мемлекет басшысы Бекет ата мешітіне барды](/uploads/2022/11/63694a1228c86_b.jpg)
Президент Қасым-Жомарт Тоқаев Маңғыстау облысына жұмыс сапары барысында Бекет ата жерасты мешітіне зиярат етті. «Қазақ үні» бұл туралы Ақордаға сілтеме жасап хабарлайды.
Қасым-Жомарт Тоқаев тарихи орында жергілікті ақсақалдармен әңгімелесіп, елдік мәселелерді талқылады.
«Қасиетті жерге зиярат ету үшін арнайы келдім. Мұнда 2019 жылы Президент лауазымына кіріскен кезде келген едім. Бүгін жұртшылықпен кездесіп, маңызды мәселелерді талқыладық. Маңғыстау облысының дамуына тың серпін беру керек екенін айттым. Үкіметке тиісті тапсырмалар бердім. Аманшылық болса, келешекте облыста бәрі жақсы болады деп ойлаймын. Осы бағытта жүзеге асырылып жатқан жұмыстардың бәрі менің бақылауымда болады», – деді Мемлекет басшысы.