Имаштайын ЕР қайда?!.

  Қазақтың Ұлы Даласында елдің сөзі, халықтың пікірі – аса маңызды саналған. Қарашаның көңіл-күйі мен арман-мүддесі қызыл тілдің қуатымен жеткізіліп отырылған. Таяу күндері Nomad.su сайтында «Қазақстандағы №2 адам кім?» деген сауалға қазақ топырағының жұртшылығы жапа-тармағай жауап беріпті. Елдегі елеулі 20 саясаткердің тізімі енген сауалнамада Астана қаласының әкімі Иманғали ТАСМАҒАМБЕТОВтың шоқтығы биік көрініп, Қазақстаннның Президенті Нұрсұлтан НАЗАРБАЕВтан кейін – Қазақстандағы №2 адам атаныпты.

Қазақстандағы №2 адам кім?

(2012 жылдың қараша айы)

1 Нұртай Әбіқаев 47 23%
2 Серік Ахметов 21 10%
3 Әділбек Жақсыбеков 9 4%
4 Ахметжан Есімов 2 1%
5 Қайрат Келімбетов 4 2%
6 Владимир Ким 1 0%
7 Тимур Құлыбаев 13 6%
8 Мұхтар Құл-Мұхаммед 0%
9 Қырымбек Көшербаев 4 2%
10 Кайрат Мәми 3 1%
11 Кәрім Мәсімов 6 3%
12 Александр Машкевич 2 1%
13 Аслан Мусин 4 2%
14 Нұрлан Нығматулин 8 4%
15 Қанат Саудабаев 2 1%
16 Марат Тәжин 1 0%
17 Иманғали Тасмағамбетов 58 28%
18 Қасымжомарт Тоқаев 10 5%
19 Болат Өтемұратов 4 2%
20 Өмірзақ Шөкеев 9 4%
Барлық дауыс бергендер саны 208 100%  

www.nomad.su

  Елорданың еңселі әкімі Иманғали ТАСМАҒАМБЕТОВ таяуда аталып өткен «Бірінші Президенттің күні» мерекесінде былай деген болатын: «Күнтізбеге қызыл белгімен енген осынау жаңа мемлекеттік мереке, Елбасы күні – елдікке құрметтің белгісі, халықтық мейрам. Мемлекетіміздің Тұңғыш Президенті – жаңа тәуелсіз мемлекеттің негізін қалап, шекарасын нықтап, берекесін баптап, баянды болашаққа тура бастап келе жатқан тарихи тұлға». Азаттығын алғанына жиырма бір жыл уақыт өткен Қазақ Елі өзінің тәуелсіздігін тұғырлы ету жолында талай тар жол, тайғақ кешулерден өтті. Осынау қиын-қыстау жылдарда «Аулақта өзім кестім кіндігімді» деп Шәкәрім айтпақшы, саясаттың сарабдал соқпағында кіндігін кескен Елбасының тәлім-тәрбиесін бойына сіңіріп, қарымды қолқанат болып келе жатқан Иманғали ТАСМАҒАМБЕТОВ, шындығында, қазақтың жанашырына, елінің қамқорына айналған саясат сардары. Бұған Мыңжан БАЙЖАНИНнің мынадай өлең жолдары дәйекті дәлел:   Алаштайын ел қайда?.. Балқаштайын көл қайда?.. Әттең, өмір -қас-қағым, Имаштайын ЕР қайда?!.

Сейхұн