АЗАТ ПЕРУАШЕВ ҚАБЫЛДАУ ӨТКІЗДІ

0
988

    Таяуда «Ақ жол» партиясының төраға­сы, ҚР Парламенті Мәжі­лісінің депутаты Азат Перуашев партияның орталық кең­сесінде аза­маттарды қабылдау өткізді. 

Қоғамдық қабылдау бөлмесіне келген жаңа бастаушы кәсіпкер Мәдібай Жеңісхан шағын бизнесін өрге домалату үшін орын табуға жәрдемдесуді сұрады. Ал 4 немересін тәрбиелеп отырған Астана қаласының тұр­ғыны, зейнеткер Зейнеп Шакирзанова мем­ле­кеттік органдар тарапынан әділет­сіздікке кезігіп, мүмкіндігі шектеулі неме­релеріне жәрдемақы ала алмай отыр­ғанды­ғын жет­кізді.
Сондай-ақ, үлескер Майра Балдыбаева депутаттан пәтерінің құжаттарын алуға және құрылысшы компаниямен арада туындаған дауды шешуге жәрдемдесуді өтінді. Кәсіпкер Айгүл Ахметқалиева Ақ­мола облысының шалғай жатқан ауылында мешіт пен монша салу үшін көмек сұрады. Ал 400-ден астам үлескердің атынан сөз сөйлеп, Атбасар ауда­нынан келген Ардақ Қасенов шаруалардың жерлерін несие алу үшін банкке салып жі­бер­ген жергілікті астық компаниясымен ара­дағы дау-дамай туралы шағым түсірді.
Азат Перуашев барлық өтініштер мен мәселелер бойынша орынбасарлары мен «Ақ жол» партиясының қызметкерлеріне тиісті тапсырмалар берді.
Атап айтқанда, Зейнеп Шакир­занова­ның арызын қарау нәтижесінде оның кішкентай мүмкіндігі шектеулі немере­ле­рі­нің шыны­мен де мүшкіл жағдайы анық­талды. Мем­лекеттік органдар оларды қыл­мыскерлерден қорғамай, жетімдерді өз­дерінің баспана­ларынан айырған. Қазіргі кезде «Ақ жол» пар­тиясымен бұл балаларға материалдық және заң түріндегі көмек көр­сету үшін шара­лар қабылданып жатыр.
   Естеріңізге сала кетейік, «Ақ жол» пар­тия­­сының орталық кеңсесінде партияның парламенттік фракциясы депутаттарының Қоғамдық қабылдау бөлмесі ашылған болатын. Азаматтарды қабылдау әр апта­ның жұма күні сағат 9.00-ден 18.00-ге дейін жүр­гізіледі. Мекен-жайы: Сарайшық көшесі, 11, кеңсе 5. Байланыс телефондары: 74-69-32, 51-70-01. 

Пікір жазу

Пікіріңізді енгізіңіз!
мұнда сіздің атыңызды енгізіңіз