Назарбаев Зияткерлік мектептерінің жалпы білім беретін пəндер бойынша өткізілген желілік олимпиадасының шешуші кезеңі аяқталды. Бұл туралы qazaquni.kz ұлттық порталы НЗМ баспасөз қызметіне сүйеніп хабарлайды.
Еліміздің ең ірі қалалары – Астана, Алматы, Шымкентте қаңтардың үшінші жүлдызы күні басталған сайыстың жеңімпаздары марапатталды.
Астанадағы физика-математика бағытындағы Зияткерлік мектепте Қазақстан тарихы мен құқық негіздері пəндерінен өткен олимпиадада бірінші орынды қанжығалағандар анықталды. Тарихтың білгіштері Шымкент қаласындағы химия-биология бағытындағы мектептің оқушысы Сымбат Жүзтан мен Павлодарлық Азат Еділов болып танылды.
– «Ұйымдастырушыларға жəне өз мектебіме осындай желілік олимпиадаға қатысуға мүмкіндік бергендері үшін алғысым шексіз. Мұғалімдер кез-келген пəнді түбегейлі оқып жаңа шыңды бағындыруға септеседі. Барлық қатысушылар жүз пайыз өз күштерін ортаға салды», – деді Сымбат.
«Құқық негіздері» бойынша Павлодар қаласындағы Зияткерлік мектептің өкілдері Зəмзəгүл Мадеткаримова мен Аружан Канибетова алға шықты.
– Пəндік олимпиадаға қатысу – тек мектепте алған біліміңді тексеріп қана қою емес, бұл шынығу жəне өз-өзіңді дамыту, – дейді Аружан Қанибетова.
Жаратылыстану пəндерінің мықтыларын Алматы қаласы химия-биология бағытындағы Назарбаев Зияткерлік мектебінде анықтады. Қорытынды бойынша бірінші орынды 8 мектептен 15 оқушы иеленсе, Алматы қаласы тағы бір мəрте «Үздік олимпиадалық команда» статусын алды.
– Біз тағы бір мəрте бағалы кубокка қол жеткізгеніміз үшін қуаныштымыз. Бұл біздің қажырлы еңбегіміз бен дайындығымыздың қорытындысы, – деп алматылық оқушылар өз ойларымен бөлісті.
Шымкент қаласы химия-биология бағытындағы Зияткерлік мектепте 250-ге тарта оқушы тілдік жəне математикалық олимпиадаларға қатысып, олардың 24-і жеңімпаздардың дипломына ие болды.
– Барлық қатысушылар тілді жоғары деңгейде білетін болып шықты. Сондықтан жеңіс оңайлықпен болды деп айта алмаймын, – деді шымкенттік Диляра Эргашваева. Ол 10-12 ші сыныптар арасында қазақ тілі мен əдебиеті пəндерінен бірінші жəне екінші орын алған жалғыз 9-шы сынып оқушысы.
«Әлеуметтік-гуманитарлық бағыттағы пəндер бойынша үздік олимпиадалық команда» атағын Шымкент қаласы ХББ Зияткерлік мектеп пен Павлодар қаласының НЗМ ие болды. Олар барлығы бірінші орынға əрқайсысы он-оннан ие болған.
Талдықорғандық математика пəнінен өткен олимпиаданың екінші орын иегері Аружан Сабырбек, желілік олимпиадаға қатысу көптеген студенттер үшін өздерінің дағдыларын дамытуға көмектесетін жақсы дәстүр болып табылады, – деп ойлайды.
Барлығы НЗМ желілік олимпиадасына 560-тан астам оқушысы қатысқан. Жеңімпаздар Зияткерлік мектептердің намысын республикалық олимпиадада қорғайтын болады
qazaquni.kz