МІНӘЖАТ

4
3776

МЕЙІРІМІ ЕРЕКШЕ, РАХЫМДЫ АЛЛА,
МЕНІҢ БАРЛЫҚ КҮНӘМДІ КЕШЕ ГӨРГІН!..

 

Астанада Конгресс-холда «АДАМЗАТТЫҢ АЛЫБЫ» атты Мәуліт мерекесіне арналған имандылық-танымдық тағылымды кеш болып өтті.

 

МІНӘЖАТ

Рахым тілеп, Өзіңнен Құдіреттім!
Тар жер менен бар жерде күбір еттім!..
Құран медет болады бар адамға,
Бір Алла деп жүректен жыр үдеттім!..
Рахымды Алла!
Ең Ұлы Құдіреттім!

Табындырып әр діндік дарындарды,
Қабылдады барлығы нанымды алғы.
Ләә иләәhә илләллааh – арым мәңгі!
Тау мен тасқа соғылған маңдайыммен,
Жайнамазға жығылып жаным қалды!..
Ләә иләәhә илләллааh – арым мәңгі!

Ғажайыбын исламның жайған аз ба ән,
Басты ілімді бастай бер,жайлап аздан…
Жалғандықтан қысылып жаhандағы,
Жаным менің жай тапты жайнамаздан…

Әуейі боп кетпегін әр елеске,
Намаз ғана Тәубеңді салады еске…
Тұла бойға тұнатын шымырлатып,
Азан даусы – ең ұлы ән емес пе?!..
Бар Ақиқат осында бар емес пе?!..

Жүрегіңе жүк түссе мың азаптық,
Бір Аллаға сиынғын мінәжат қып.
Күйкі тірлік күйбеңі күйреп түсіп,
Сонда ғана аласың Ұлы Азаттық!
Бір Аллаға сиынғын, мінәжат қып!

Ашық күнде адасқан нешеме ердің,
Намаз ғана сауабын еселер мың…
Мейірімі ерекше, Рахымды Алла,
Менің барлық күнәмді кеше гөргін!..

Он сегіз мың ғаламды жаратты Алла!
Құлшылық қыл Құдайға, қарап қалма.
Сәждеге бас қойғаннан сәулең артып,
Имандылық тұрады тарап қанда…
Жалбарынсаң, Жар болар Жаратқан да…

Алла десең жақсылық несіп болар,
Намаз сайын рухың өсіп қалар.
Алла нұрын себелер адамзатқа,
Қасиетті Мекке мен мешітке бар!
Көктен түскен киелі есіт хабар!

Мұсылманның сүйенген таза арына,
Иман нұры шашылар ажарына.
Жайнамазға жазылған жан тілегің,
Жаратқанның жетеді назарына!

Көрем десең Жәннаттың жайған бағын,
Боларыңды бақилық ойлан, бәрің…
Алла елшісі Мұхаммед – Расул Алла,
Ең соңғы hәм ең ұлы Пайғамбарым!

Тұтқындалған пендені тұманда да…
Құтқаратын Құдай мен Құран ғана!
Ақиқатты іздеген барлық адам,
Ақыр түбі бас иер бір Аллаға!

Қазыбек ИСА

Qazaquni.kz

 

 

 

 

 

 

 

4 ПІКІРЛЕР

  1. Жүрегіңе жүк түссе мың азаптық,
    Бір Аллаға сиынғын мінәжат қып.
    Күйкі тірлік күйбеңі күйреп түсіп,
    Сонда ғана аласың Ұлы Азаттық!
    Бір Аллаға сиынғын, мінәжат қып!- кез-келген адамға тығырықтан шығар жолды көрсететін мына жыр жолдары әркімнің ақ жүрегін қозғайтыны анық…

  2. ПРОДАЕТСЯ МЕЧЕТИ — ОПТОМ— в ТОРГАЙСКОМ РЕГИОНЕ . кто обманул Народ ,и присвоил все собранные наличные деньги для строительства МЕЧЕТИ среди НАС ,А кто обеспечил прикрытие , совсем рядом. Кому НЕ без различен СУДЬБА МЕЧЕТИ E – mail: [email protected]

  3. Қазеке! керемет! ертең плакатқа басып біздің мешітке апарып берем, ол кісілер(имамдар) уағыз айтқанда көптеген кемшіліктер жіберіп жүреді, олай дейтінім діни терминдерді көпшілік түсіне бермейді, ал Сіздің өлеңіңізді мектептерде, жұма намаздарында, діни мерекелерде оқып отырса танымдық салмағы нық болары анық, жазар көбейсін..

Пікір жазу

Пікіріңізді енгізіңіз!
мұнда сіздің атыңызды енгізіңіз