ЖЫЛҚЫ ЖЫЛЫНДАҒЫ №1 ҚҰДАЛЫҚ!

14
31031

 

Эксклюзив

Былтыр күзде Елбасы Н.Назарбаев пен  жазушы С.Досанов құдай қосқан құда болды

Былтырғы жылқы жылының ең басты құдалығы туралы баспасөзде ешнәрсе жазылмағаны белгілі. Ал «баспасөзде жазылмаған жаңалық – болмаған жайт» -деген қағидаға сүйенсек, онда білгенімізді мамандығымызға сай оқырман қауымға  баяндап беруіміз ләзім.

Иә, былтыр Елбасымыз Нұрсұлтан Назарбаевтың үшінші қызы Әлия  Назарбаева мен Димаш Досанов отау құрды. Ал Димаш Досанов кім десеңіздер, күйеу баланың атасы белгілі жазушы, ҚР Мемлекеттік сыйлығының лауреаты, халықаралық Шолохов атындағы  сыйлықтың Қазақстандағы тұңғыш лауреаты  Сәбит Аймұханұлы Досанов. Димаштың әкесі Ғабит Аймұханұлы Досанов Сәбеңнің туған інісі. Ғабит Досанов мәдени-әдеби ортаға да белгілі кәсіпкер азамат.

Алматыда қазан айында шағын отбасылық топтар  арасында өткен құдалықты  өз үйінде күткен  Нұрсұлтан Әбішұлы той тізгінін  өзі алып, жүргізген. Бас құдалар Н.Назарбаев пен С.Досанов түйдей құрдас – екеуі де 1940 жылы туғандар. Құдай қосқан құдалардың екеуі де биыл, құдай қаласа, мерейлі жасқа – 75-ке толады. Ел тойлайтын Елбасының туған күні бәрімізге белгілі, ал Сәбит ағамыз 15 қаңтарда туған. Нұрсүлтан Әбішұлының еңбек ету қайраты керемет,  есте сақтау қабілеті ғажап,  әдебиет пен мәдениетті, ел тарихы мен ұлттық  салт-дәстүр, жөн-жобаны терең  біледі және ұстанатыны анық. Осы құдалық барысы да қазақтың жол-жоралғысымен сән-салтанатты өткен көрінеді.

Әлия Назарбаева туралы ақпарат, әрине,  жеткілікті болғанмен, БАҚ-тарды қызықтырған басты мәселе  – Димаш Досанов туралы ақпар тым мардымсыз. Интернеттегі  Google.kz желісі арқылы іздегенмен, Қазақстан-Қытай құбыры компаниясы бас директорының орынбасары деген хабар және Әлиямен түскен 3 фотосынан басқа  ол туралы ешнәрсе таппағандарын жазады сайттар.  Біздің қосарымыз, Димаш Досанов  – Қазақстан-Қытай құбыры компаниясы бас директоры. Бұрын ҚазМұнайГаз  ұлттық компаниясында департамент директоры болып істеген. Гольф ойынынан  бірнеше рет  жүлдегер болғаны бар. Осы заманға сай білімді де, білікті, ана тілімен қоса шет тілдерін де білетін зиялы, қазақы тәрбие көрген келісті жігіт сұлтаны.

Қазақстан-Қытай  құбыры –  Атасу-Алашанькоу аралығындағы 965 шақырым тұратын мұнай құбыры жобасы,  құрылысы және тасымалдауын жүргізетін біріккен кәсіпорын. Оның құрылтайшысы – «ҚазТрансойл» АҚ мен CNODC (China National Oil and Gas Exploration and Development Corporation) компаниясы.

Қ.Сейхуни

Qazaquni.kz

 

 

 

 

 

14 ПІКІРЛЕР

  1. Түсі игіден түңілме деген. Жүздері жылы екен Әлия мен Димаштың, жастардың бакыты баянды, шаңырактары берік, елімізге көрік болсын!

  2. Ардақты ағайын!
    Бүгін біздің елімізде, барлық қалалар мен ауылдарда ұлы той, біз ұмытылмас тарихи күнді атап өтіп жатырмыз – туған Қазақстанымыздың Тәуелсіздігінің жиырма үш жылдығы.
    Екі онжылдық бұрын мемлекеттік егемендік туралы декларацияны қабылдай отырып, біз тарихи дамуымыздың жаңа белесі – нарықтық экономикаға әлеуметтік бағытталған, халқымыздың сан ғасыр аңсаған еркін және тәуелсіз өмір сүретін, ашық демократиялық мемлекет құруға қадам бастық.
    Құрметті отандастарым, сіздерді осынау барлығымыз үшін ең ұлы, ең қымбат мерекемен құттықтау және қошеметімді көрсету үлкен рахат сыйлайды.
    Жылдар тізбегі, тұтас дәуірлер өтер, бірақ бесмыңжылдық тарихында талайды басынан өткерген халқымыз үшін өміріміз бен санамызды өзгерткен Қазақстан тәуелсіздігі ел тарихында үлкен масштабты оқиға ретінде қалады және ешқашан өзіндік құндылығы мен мәнділігін жоғалтпайды.
    Құрметті достар!
    Құдай берген осы сыйдың, яғни Мемлекеттік тәуелсіздіктің арқасында бізде мыңдаған жылдардан кейін ұлттық түпнұсқалылығымызды, тарихымызды, тілімізді, мәдениетімізді, ұлттық дәстүрлер мен құндылықтарымызды, жалпы, өзіміздің ұлттық болмысымызды өте маңызды миссияны орындау мақсатында, яғни, демократиялық, құқықтық, зайырлы, тәуелсіз және еркін мемлекеттің жаңа қоғамын құру, бүгінгі және келер ұрпақтың бақытты өмірін құру мақсатында жандандырдық.
    Міне, егемен Қазақстанның тәуелсіздік арқасында өз тағдырын құрып жатқанына, өміріміздің жаңа мән-мағынаға ие болғанына, күн сайын пәтер-үйлеріміздің, қалаларымыздың, ауылдарымыздың тыныштығы ұлғайып келе жатқанына 23 жыл. Жасыл қырларымыз бен тауларымыздың тамаша шыңдары тәелсіздік сәулесімен нұрланып тұр.
    Бүгін, еркін мемлекеттің негізгі атрибуты, намыстың, отаншылдықтың нышаны, жайлы өмір кепілі, күнделікті өміріміздің күш-қуаты саналатын тәуелсіздіктің ең асыл және қымбат сый екенін Қазақстанның айтулы да намысшыл халқы терең түсінеді.
    Сондықтан, қуана да мақтана, шын жүректен тәуелсіз және егемен Отанымыздың тұрғындарын, әлемдегі бар қазақты осы айтулы да асыл мерекемен құттықтай отырып, тәуелсіз мемлекетіміздің жұлдызы әрқашан жарқырай берсін деп тілеймін.
    Еркіндіксүйгіш бабаларымыздың мемлекет пен мемлекеттілікке ие болудың сан ғасырлық үміттер мен армандарының бітпес күрестер нәтижесінде орындалып, сіз бен біздің бүгінде тәуелсіз ұлттық еліміздің бар екеніне қуануымыз қажет.
    Бабаларымыздың еркіндік пен тәуелсіздікке бағытталған барлық талпыныстары мен үміттерінің ұрпақтан ұрпаққа берілуі мәңгілік құнды тарихи, мәдени дәстүрлерімізге, тілімізге және әдебиетімізге ие болуға себепкер болды. Біз 21 ғасырдың басында өмір сүріп жатырмыз, ұлтымыздың ең асыл және ең жоғары жетістігі – бостандық пен тәуелсіздік екенін ұмытпауымыз керек және еркіндіксүйгіш және отаншыл бабалар кітабының атаулы беттері мыңдаған ержүрек отаншылдардың қанымен жазылған.
    Қазақстан тәуелсіздігінің 20 жылдық кезеңі ежелгі тарихымыздың тереңінен басталады және әрқашан оның қуатымен нәрленеді.
    Тәуелсіздік пен ұлттық бірлік халқымыз бен мемлекетімізге ұлы күш берді, саяси, экономикалық және әлеуметтік өмірдің дамуына игі жағдайлар жасады. Біз бүгін Қазақстанның қысқа уақытта егеменді ел болғанын нық сеніммен айта аламыз.
    Тәуелсіздік Қазақстанды әлемдік қауымдастыққа, ал әлемдік қауымдастықты Қазақстанға жақындатты. Салмақты және жан жақты қазіргі саясат пен өзара тиімді серіктестіктің кеңеюі Қазақстанның әлемдік аренадағы мәртебесі мен бейнесін асқақтатты.
    Қазақстанның көптеген мемлекеттермен, беделді әлемік ұйымдармен және қаржы институттарымен өзара тиімді серіктестігі әлемдік аренадағы тәуелсіз мемлекетіміздің мәртебесінің жоғарылауының берік негізін қалады.
    Қазақстан Республикасының өмірге келуі – біздің көпғасырлық арманымызды іске асыра алатындығымыздың анық дәлелі. Тәуелсіздігімізді жариялау да – біздің алдымызға ең үлкен және қиын мақсаттарды қоя алатындығымыздың және оларды шеше алатындығымыздың дәлелі. Осы күштің тамырлары ғасырлар тереңінен жайылды. Біз өз күшімізге, біріккен талпыныстарымызға, ішкі келісімге, өзара сыйластыққа, кеңпейілділікке сенгенде, осы күштің ағашы гүлдеп, әрқашан жемісін береді.
    23 жылда біз үлкен жолды жүріп өттік – тәуелсіздік жолы, егемендік жолы, еркіндік жолы. Тәуелсіз Қазақстан мәңгілік өмір сүретін болады. Осындай 20 жылдықтар 1120, 3220, 5520 жылдық болып жалғаса береді. Біздің тәуелсіз мемлекетіміз мәңгілік өмір сүреді. Қазақстанның қандай негізде басқарылатыны бізге байланысты. Бүгін қаланған негіздер – тәуелсіздік, егемендік, демократия, мықты экономика, әлеуметтік әділеттілік принциптері – мемлекеттіліктің негіздері болып саналады.Мықты ұлттық идеология, ұлттық рух, ұлттық құндылық – бізге жол көрсететін принциптер. Көп нәрсе бізге байланысты. Тәуелсіз, еркін болу – бұл үлкен бақыт. Алдыңғы ұрпақтар ғасырлар бойы тәуелсіздікті армандап өмір сүрді және өмірден өтті. Оларға осы тәуелсіздікті көру бақыты бұйырмады. Біз, біздің ұрпақ – бақыттымыз. Біз тәуелсіздікті көріп қана қоймай, оны нығайтып жатырмыз. Тәуелсіз мемлекет Қазақстанды алға жетелейміз. Бүгінгі Қазақстан халқымыздың еңбегі мен таланты арқылы қалыптасты. Барлығы бізге байланысты. Әр азамат, Отанын сүйетін әр адам өзінің еңбегі мен кәсіптілігі арқылы туған мемлекетін нығайтуға тырысуы қажет.
    Қазақстан – барлығымыздың, ата-анамыз бен бабаларымыздың армандары елі, балаларымыз бен немерелеріміздің үйі; және осы елдің негіздерін біз нығайтамыз. Қазақстан шын көңілден барлық балаларын сүйеді және оларды бөлмейді.
    Біздің шындыққа айналған арманымызға жиырма жыл. Бүгін еркін де тәуелсіз Қазақстанға жиырма жыл. Бүгін қазақ үшін бұдан асқан абырой мен масаттану жоқ.
    Біз жаңа мемлекет құрып жатырмыз. Мықты дәстүрлерге, мықты құндылықтарға, ұлттық-рухани құндылықтарға негізделген мемлекетті сәтті құрып жатырмыз. Осы 23 жылдар барысында қазақ халқы азаматтық тілектестікті көрсетті. Осы жылдары қазақ халқы өзінің қаншалықты ұлы екенін көрсетті. 23 жылда біз көптеген табыстарға жеттік. Осы табыстарды ұлғайтатынымызға сенімдімін, еліміздің жан жақты дамуы үшін еңбек етеміз, одан әрі күшті және тамаша ел құрамыз. Осы істе барлықтарыңызға табыс тілеймін.
    Бүгінде біз бар даусымызбен еш қобалжусыз тәуелсіздік жолында кездескен талай қиындықтар мен кедергілерді бастан кешірсек те, елге қанша қауіп-қатер төнсе де тәуелсіздік идеясына адал болдық, Қазақстанның құндылықтарын бәрінен жоғары қойдық, таңдаған жолымыздан таймадық және таймаймыз да.
    Жаңа өміріміздің құрылысының алғашқы күнінен бастап шынайы еркіндік пен дербестікке қол жеткізу – ол тәуелсіздікке ие болу ғана емес, оның қалыптасуы, саяси және экономикалық тұрғыдан нығаюы, әлемде лайықты орын мен құрметке ие болуы болып табылады.
    Осындай игі мақсаттардың орындалу жолдары барлығымызға айқын – ол көпті көрген батыр да еңбекқор халқымыздың барлық табиғи ресурстарын, бай өндірістік және зияткерлік әлеуетін, ақылы мен күшінің арқасында әлемдік қауымдастықпен серіктестікке арқа сүйей отырып дамыған демократиялық мемлекеттер тізіміне ену.
    Халқымыздың өмір сүру деңгейі мен сапасын арттыру жолындағы басты басымдылық – ел өмірінің барлық салаларындағы демократиялық жаңарудың, либерализацияның және модернизацияның жүйелі жылдамдауы.

    Қадірлі отандастар!
    Отан жетістігіннің негізі неде деген сұрақа әрқайсымыз ол ең алдымен Тәуелсіздік, халқымыздың күнделікті жанкешті еңбегі, адамдар санасы мен ойлауы, олардың ертеңгі күнге сенімі, игі армандары мен талпыныстары деп мақтанышпен және сеніммен жауап береміз.
    Осы игі жерде өмір сүріп жатқан отандастарымыздың бүгінде бастарын тік ұстап Отанымыздың қол жеткізген табыстары мен шекараларында оның да еңбегі мен лайықты үлесінің бар екендігін айтуға құқығы бар.
    Осы жоғары мінберден бізге әрқашан қатысты және бізбен қатынасатын, көмектесетін шетелдік достарымыз бен серіктестерімізге, серіктес елдер мен халықтарға үлкен алғыс, бақыт пен гүлдену сияқты игі тілектерімді жеткізуге рұқсат етіңіздер.

    Құрметті қауым!
    Жеткен жетістіктеріміз жайлы, тәуелсіздіктің арқасында алдымызда ашылған жаңа көкжиектер мен мол мүмкіндіктер жайлы көп нәрсе айтуға болады. Тәуелсіз Отанымыздың шежіресінде мәңгілікке жазылатын ұлы жетістіктеріміздің ішінде өлшенбейтіні және құндысы – ол үйлесімді және жан жақты дамыған, еркін, отаншыл, талантты және креативті, физикалық және рухани сау, жаңа білімдер мен мамандықтарға ие, дербес ойлай алатын, өміріміздің шешуші күші саналатын, ең бастысы, елінің болашағы үшін жауапты жас ұрпағымыз.
    Дәл соларға, еліміздің албырт та күшті бозбалалары мен бойжеткендеріне айтарым: жаратқанымыздың нәсіп еткен керемет те қайталанбас Қазақстан сияқты жерінде туу және өмір сүру бақыты барлығына бұйырмаған. Менің ең басты тілегім – осы өмірлік маңызды шындықтың жандарыңыз бен жүректеріңіздің тереңіне бойлауы. Әрқашан туған жерге деген махаббат пен адалдық сезімдеріңіз болсын.
    Біздің киелі парызымыз бен ізетіміз – талай қиын кезеңдерді, сынақтарды бастан кешіп, атамекен бостандығы үшін өздерін құрбан еткен, атамекенді келер ұрпаққа сақтап қалған бабаларымызға, әкелерімізге деген құрмет.
    Әрқайсымыздың құрметті міндетіміз – өзімізді, қажет болса өмірімізді құрметті Отанымызға, оның игілігі мен ұлы болашағына арнау деп айтсам, қателеспеймін деп санаймын.
    Құрметті достар, қадірменді отандастар!
    Сіздерді ойша құша отырып, шын жүректен тағы да мерекелеріңізбен құттықтаймын және денсаулық, бақыт, табыс, отбасыларыңызға молшылық және игілік тілеймін.
    Қасиетті және тамаша Отанымыз мәңгілік жасасын!
    Елімізде әрқашан бейбітшілік пен ашық аспан орнасын!
    Тәуелсіздігіміз мәңгілік болсын!
    Қазақ халқы жасасын!

  3. ДА хорошая новость для ТОРГАЙСКОГО РЕГИОНА ,так что Президент Н.Назарбаев дважды становится близким человеком. Его внук взял в жены дочь Кайрата Боранбаева , его младшая дочь выходит за мужем за сына Габита Досанова , Все таки Торгайцый молодцы. Теперь можно решит проблему по ОПЛАТЕ МЕЧЕТИ , в г. Аркалыке на 500. чел. 85% здание готов. В АМАНТОГАЙЕ на 200. чел. здание готов на 95% . Мечеть в ТОРГАЙ работает долг с 1992.года 94000.у.е. кому интересен.E -mail: [email protected] тел сот. 8701 816 5721

  4. Нұрағамыздың қыз ұзатуды от басы, ошақ қасында өткізуі – осы күні қызынан құтыла алмай жүргендей тойханадан аттандырып, асып-төгіліп, жарысып-алысқандай алқынатын жуан қарындарға (қандай қарынға болса да…) сабақ болсын! Ата-баба дәстүрі – бұзылмай, қаймағы қалқыған қалпында сақталса игі. Әлия мен Димашқа адами қарапайым бақыт, ұзақ ғұмыр тілеймін! Алла Тағала жар болсын!

  5. Құдалық мың жылдық болсын! Елбасының қазақтың салт-дәстүрін ұстанатыны жақсы екенн. Ол кісі өз құдалығы болғасын әнді де қатырып шырқаған шығар. Иман-Жүсіптің әйгілі әнін қатырып айтқанын интернеттен көріп едім. Жастар бақытты болсын!

  6. Егер Торғай елінің Елбасымен құдандалы болғанын есептесек, онда ол кісі біздің елмен осымен үш рет құда болды, яғни Торғайдың мыңжылдық құдасы. Бірінші рет ол кісінің сыныптас туысы, шапыраштының қызын менің бір інім алды, екінші рет Боранбаевтарман құда болса, жылқы жылы Аманкелді ауданы Байғабыл ауылынан шыққан азаматымыз Ғабит ініміздің ұлы Димаш Әлияға үйленді. Енді Торғайлықтардың бір пенделік үміті Торғай облысы ашылып, Дариға құдағи әкім болса деген. Не болса да жастар бақытты болсын!

Пікір жазу

Пікіріңізді енгізіңіз!
мұнда сіздің атыңызды енгізіңіз